Anthony Maina Githinji – Murimi Lyrics

Korwo nĩwe mwene mũgũnda rĩ
Ũkanoga ũkĩhanda na ũkĩrĩmĩra
Na magetha ma kinya ũkaga magetha rĩ
Ũngĩigua atĩa?

Nĩkwarĩ na mũrĩmi warĩ na mũgũnda
Wake endete na nĩ aũtungataga
Ona akawũirigĩra na mĩena yothe
Nĩguo ndũkae gũthukangio nĩ nyamu

Korwo nĩwe hihi ũngĩigua atĩa
Ũtũũrĩte ũrĩmaga mũgũnda
Ũkanoga ũkĩhanda na ũkĩrĩmĩra
Na magetha makinya ũkaaga maciaro

Nĩonganirie mahiga mothe marĩa marĩ kuo
Na akĩona wothe nĩ wagĩrĩra
Agĩcooka agĩcaria thabibũ ĩrĩa njega ma
Akĩhanda arĩgĩrĩire nĩakoona maciaro

Korwo nĩwe hihi ũngĩigua atĩa
Ũtũũrĩte ũrĩmaga mũgũnda
Ũkanoga ũkĩhanda na ũkĩrĩmĩra
Na magetha makinya ũkaaga maciaro

Na matukũ Manini marĩkia gũthira
Akiumagara na mwĩhoko no ekũgetha
Akinya mũgũnda-inĩ akiaga kĩndũ angĩoya
Thabibũ cia gĩthaka nĩcio ciaihũrĩte kuo

Korwo nĩwe hihi ũngĩigua atĩa
Ũtũũrĩte ũrĩmaga mũgũnda
Ũkanoga ũkĩhanda na ũkĩrĩmĩra
Na magetha makinya ũkaaga maciaro

Akĩigua arĩ na ruo ngoro-inĩ yake
Amenya wĩra arutĩire mũgũnda ũcĩo
Agĩkira agĩcũũrania akĩona arĩ wega
Awũirigũrĩre nĩguo wanangĩke

Korwo nĩwe hihi ũngĩigua atĩa
Ũtũũrĩte ũrĩmaga mũgũnda
Ũkanoga ũkĩhanda na ũkĩrĩmĩra
Na magetha makinya ũkaaga maciaro

Ũguo noguo gũtariĩ nginyagia ũmũthĩ
Jehovah nĩatũĩkĩte maũndũ mega
Nĩatũkinyĩirie wega na ũtũgi wake
Na ũndũ wa gĩkuũ kĩa mũriũ mũtharaba-inĩ

Korwo nĩwe hihi ũngĩigua atĩa
Ũtũũrĩte ũrĩmaga mũgũnda
Ũkanoga ũkĩhanda na ũkĩrĩmĩra
Na magetha makinya ũkaaga maciaro

Mũgũnda wa Mwathani ũmũthĩ nĩniĩ nawe
Na nĩetereire maciaro ma wĩra wake
Na rĩrĩa mangĩaga no atũirigũrĩre
Ngai tũteithagie kũgĩa na maciaro mega

Korwo nĩwe hihi ũngĩigua atĩa
Ũtũũrĩte ũrĩmaga mũgũnda
Ũkanoga ũkĩhanda na ũkĩrĩmĩra
Na magetha makinya ũkaaga maciaro

Korwo nĩwe hihi ũngĩigua atĩa
Ũtũũrĩte ũrĩmaga mũgũnda
Ũkanoga ũkĩhanda na ũkĩrĩmĩra
Na magetha makinya ũkaaga maciaro

Korwo nĩwe hihi ũngĩigua atĩa
Ũtũũrĩte ũrĩmaga mũgũnda
Ũkanoga ũkĩhanda na ũkĩrĩmĩra
Na magetha makinya ũkaaga maciaro