Na kweli mũndũ gũthĩna ahana ta ũyũ mũtahe
Nake mũndũ ũgwĩtongera ahana ta ũyũ mũracĩrie
Tiga gũkĩmakio nĩ arĩa, marĩ ũiru ta wa kaini
Mwathani noakũrathime na maiguage oo ũguo

Ngai angĩkiuga nĩũkũgĩa, gũtirĩ ũngĩrigĩrĩria
Angiuga nĩũgwĩtũrĩra gũtikĩrĩ ũngĩrega
Ũngĩkĩambĩrwo mĩtego, we nĩoĩ kũmĩtegũra
Ũngĩkĩenjerwo rĩriku, nĩoĩ gũthikathika

Tiga gũkĩmakio mũno we nĩ mũthenya wa rũciũ
Gũtikĩrĩ ũĩ rũciũ rũgagĩciara kĩ
We ta wĩhe hinya mũno, we na ũkirĩrĩrie mũno
Ona mwĩthaga nĩerirwo nĩatongaga na ũtukũ

Ngai angĩkiuga nĩũkũgĩa, gũtirĩ ũngĩrigĩrĩria
Angiuga nĩũgwĩtũrĩra gũtikĩrĩ ũngĩrega
Ũngĩkĩambĩrwo mĩtego, we nĩoĩ kũmĩtegũra
Ũngĩkĩenjerwo rĩriku, nĩoĩ gũthikathika

We ta wĩrekia rũthĩa we na ũgĩtige kũrĩra
Na ũtige kwĩhoka mũno andũ arĩa marĩ ũhoti
Mwathani nĩwe woigire atĩ kũgwatwo nĩ kĩrumi
Nĩ mũndũ wothe ũrĩa wĩhokaga andũ a gũkũ thĩ

Ngai angĩkiuga nĩũkũgĩa, gũtirĩ ũngĩrigĩrĩria
Angiuga nĩũgwĩtũrĩra gũtikĩrĩ ũngĩrega
Ũngĩkĩambĩrwo mĩtego, we nĩoĩ kũmĩtegũra
Ũngĩkĩenjerwo rĩriku, nĩoĩ gũthikathika

Nĩũngĩrĩ na mwĩrĩ mwega we tiga nĩ matarania
We nĩũngĩrĩ mũnyoroku tiga ũtaiganagĩra
We tawĩhoke Mwathani we wone ũkĩgarũrũka
Mwĩhoko na ũkirĩrĩria ituĩke ngo yaku

Ngai angĩkiuga nĩũkũgĩa, gũtirĩ ũngĩrigĩrĩria
Angiuga nĩũgwĩtũrĩra gũtikĩrĩ ũngĩrega
Ũngĩkĩambĩrwo mĩtego, we nĩoĩ kũmĩtegũra
Ũngĩkĩenjerwo rĩriku, nĩoĩ gũthikathika

We wananyũrũrio mũno nĩ andũ arĩa matakwendaga
We wanaigĩrĩrwo igenyo nĩ andũ arĩa magũthũire
Na kahinda gagakinya magakũigĩra wakiri,
Na Ngai ũrĩa wagĩkũũmbire agagĩgũcirĩrĩra

Ngai angĩkiuga nĩũkũgĩa, gũtirĩ ũngĩrigĩrĩria
Angiuga nĩũgwĩtũrĩra gũtikĩrĩ ũngĩrega
Ũngĩkĩambĩrwo mĩtego, we nĩoĩ kũmĩtegũra
Ũngĩkĩenjerwo rĩriku, nĩoĩ gũthikathika