Daudi oigire atĩ nĩ kaba ũgĩcamanie na nduba
Ĩtete twana twayo kũrĩ ũcamanie na kĩrimũ
Naniĩ nguuga nĩ kaba kũna ũcamanie na kĩrimũ
Gũkĩra ũcamanie na mũndũ ũkomereirie ũhinga

Ngoro ya hinga ĩhana o ta mũtitũ mũtumanu
Gũtirĩ ũngĩmenya nyamũ iria kũna ciĩhithĩte kuo
Ngoro ĩyo nĩndumanu na ũngĩkĩmũbaara gĩthithi
Na ũkũmwĩhokaga nĩwe ũkuĩte mũthiro waku

Mũndũ ũrĩ ũhinga ahana mbĩrĩra ĩgemetio na igũrũ
Wamĩrora igũrũ ĩhana kamũgũnda ka mahũa
No thĩiniĩ wayo nĩ gĩkuũ na ũbuthu ũkirĩte kuo
Ndangĩguna mũndũ na kĩndũ ahana tũhũ mũtheri

Ngoro ya hinga ĩhana o ta mũtitũ mũtumanu
Gũtirĩ ũngĩmenya nyamũ iria kũna ciĩhithĩte kuo
Ngoro ĩyo nĩndumanu na ũngĩkĩmũbaara gĩthithi
Na ũkũmwĩhokaga nĩwe ũkuĩte mũthiro waku

Ũhinga ũciaragwo nĩ mũtumia wĩtagwo wũiru
Na ningĩ ũngĩingĩha mũno kũna nĩũciaraga gĩkuũ
Kaini aihũrirwo nĩ ũhinga ũhinga ũgĩgĩciara gĩkuũ
Akĩohia Abiri na kahiũ akĩmũthecanga agĩkua

Ngoro ya hinga ĩhana o ta mũtitũ mũtumanu
Gũtirĩ ũngĩmenya nyamũ iria kũna ciĩhithĩte kuo
Ngoro ĩyo nĩndumanu na ũngĩkĩmũbaara gĩthithi
Na ũkũmwĩhokaga nĩwe ũkuĩte mũthiro waku

Gikũyũ nĩoigire atĩ igego nĩrĩthekagia itimũ
Nĩ andũ aingĩ mathirĩte nĩũndũ wa kwĩhoka arĩa angĩ
Nĩkũrĩ ũtakomaga nĩũndu wa success yaku
Kwĩhoka andũ ti wega nĩkaba kwĩhokaga Ngai

Ngoro ya hinga ĩhana o ta mũtitũ mũtumanu
Gũtirĩ ũngĩmenya nyamũ iria kũna ciĩhithĩte kuo
Ngoro ĩyo nĩndumanu na ũngĩkĩmũbaara gĩthithi
Na ũkũmwĩhokaga nĩwe ũkuĩte mũthiro waku

Ngoro ya hinga ĩhana o ta mũtitũ mũtumanu
Gũtirĩ ũngĩmenya nyamũ iria kũna ciĩhithĩte kuo
Ngoro ĩyo nĩndumanu na ũngĩkĩmũbaara gĩthithi
Na ũkũmwĩhokaga nĩwe ũkuĩte mũthiro waku