Muthee Kiengei – Kiroko Giakwa Lyrics

Nĩ ngakena mũno rĩrĩa ngauma toro
Njũkĩre nyume kĩroto-inĩ gĩa thĩna
Nayo mĩrũri ya riũa rĩa kĩroko
Ĩnjerekere ĩnguĩire ũtugi

Cioneki na iroto iria niĩ ndanarota
Ngai ũrĩa ũtũire muoyo acikinyanĩrie
Kuona nĩ ngaiga gĩconoko gĩkĩ thĩ
Ngai wakwa akinyanĩria iroto ciakwa

Ũtukũ nĩguo nduma ĩtumanaga
Kĩeha na thĩna ikĩragĩrĩra ũtukũ
No riũa rĩara kĩroko gũgathera
Ngai wakwa nginyĩria kĩroko gĩakwa

Nĩ kũhoyagwo wũira ngaremwo gwĩtia
Magĩkũgana niĩ ndĩkiragĩra o ki
Nĩ meciria Kũgũthana mũtwe wakwa
Ndaarĩkia wũira ngũcooka ndore nakũ

Mathiĩ kũhotha ndĩkũnjaga nĩ heho
Na Mwathi wakwa ti kuuga nĩ ũthũire
Nĩ mũũthĩ wakwa ũtarĩ ũrakinyĩrĩra
Ndagũthaitha tu ndokeria mũthenya ũcio

Ũtukũ nĩguo nduma ĩtumanaga
Kĩeha na thĩna ikĩragĩrĩra ũtukũ
No riũa rĩara kĩroko gũgathera
Ngai wakwa nginyĩria kĩroko gĩakwa

Nĩ nyonaga makĩrĩa na makĩĩhumba
Na ndiigue wũiru ngerirĩria ũhoro ũcio
Ngoro-inĩ yakwa tondũ ndĩ mũgũthaithi
Ngamenya kũna nĩwe ũmatugĩte ũguo

Mĩtugĩre yaku tondũ nĩ ya mwanya
Na wĩtagwo mũheani ũtanogaga
Ngũnjũrĩra, ndambũrũkĩria mũnyaka
Nyone wega itarĩ ndathiĩ mbĩrĩra-inĩ

Ũtukũ nĩguo nduma ĩtumanaga
Kĩeha na thĩna ikĩragĩrĩra ũtukũ
No riũa rĩara kĩroko gũgathera
Ngai wakwa nginyĩria kĩroko gĩakwa

Nĩwe wanyũmbire na ũkĩnjiga gũkũ
Thĩ ĩno ya thĩna ningĩ ya mĩnyamaro
Thĩ ĩno ndũire hĩtũkanaga na gĩkuũ
O ngĩethera mwĩrĩ ũyũ tondũ wĩ kwao

Na tondũ wee nĩ ũkinyanagĩria ũtugi
Inamia gũtũ gwaku ũigue makaya
Nĩ ndĩrirĩirie mũno gũcanjamũka
Ngai wakwa njarĩria riũa rĩa wega

Ũtukũ nĩguo nduma ĩtumanaga
Kĩeha na thĩna ikĩragĩrĩra ũtukũ
No riũa rĩara kĩroko gũgathera
Ngai wakwa nginyĩria kĩroko gĩakwa

Nĩ ngũkũhoya ndũũre itarĩ mũrimũ
Nĩ ngũkũhoya ndĩtũũrĩre na thayũ
Ingĩrĩa ũũru na ũkorwo wĩ ngoro-inĩ
Na ndarĩa wega ndĩ nawe ũrogoocagwo

Nĩ ngũgũthaitha Ngai ndũkanandige
Tũũra tu ũmenyagĩrĩra ngoro yakwa
Ũngĩkoona ũũru mbere ũkaahithaga
Ngĩrooka gwaku ngarookaga nĩ thayũ

Ũtukũ nĩguo nduma ĩtumanaga
Kĩeha na thĩna ikĩragĩrĩra ũtukũ
No riũa rĩara kĩroko gũgathera
Ngai wakwa nginyĩria kĩroko gĩakwa

Ũtukũ nĩguo nduma ĩtumanaga
Kĩeha na thĩna ikĩragĩrĩra ũtukũ
No riũa rĩara kĩroko gũgathera
Ngai wakwa nginyĩria kĩroko gĩakwa