Loise Mwangi – Utugi Na Tha Lyrics

Ndokĩra ndĩna ũgima wa mwĩrĩ
Nĩmenyaga atĩ ti kwagĩrĩra
Nĩ ũtũgi na tha niĩ nginyĩrĩirio
Nĩ Jehovah nĩguo ndĩmũgooce

Ngũĩna ũmũthĩ ta itakaina rũciũ
Ngathĩrĩrie wega wa Mũnyũmbi
Nĩguo ona arĩa matoĩ mamenye
Ũtugi na tha ciake nĩ nyingĩ
Ũtugi na tha ciake nĩ nyingĩ

Nĩamenyagĩrĩra ona ndĩ toroo
Gũtirĩ ũgwati ona ũmwe nyonaga
Na gwakĩa nĩ anjĩraga o gatene
Nĩguo njũkĩre niĩ ndĩmũgooce

Ngũĩna ũmũthĩ ta itakaina rũciũ
Ngathĩrĩrie wega wa Mũnyũmbi
Nĩguo ona arĩa matoĩ mamenye
Ũtugi na tha ciake nĩ nyingĩ
Ũtugi na tha ciake nĩ nyingĩ

Ndanona thĩna arata makoora
Aciari na andũ aitũ makandiga
No Ngai ũyũ ndarĩ andiganĩria
Nĩkĩ gĩkũgiria ndĩmũgooce

Ngũĩna ũmũthĩ ta itakaina rũciũ
Ngathĩrĩrie wega wa Mũnyũmbi
Nĩguo ona arĩa matoĩ mamenye
Ũtugi na tha ciake nĩ nyingĩ
Ũtugi na tha ciake nĩ nyingĩ

Mbaara cioka kuuma gwĩ thũ ciakwa
Ngai wakwa nĩwe ũcirũaga
Na gũtirĩ ona ĩmwe arĩ ahotwo
Njamba ya ita reke ndĩmũgooce

Ngũĩna ũmũthĩ ta itakaina rũciũ
Ngathĩrĩrie wega wa Mũnyũmbi
Nĩguo ona arĩa matoĩ mamenye
Ũtugi na tha ciake nĩ nyingĩ
Ũtugi na tha ciake nĩ nyingĩ

Ndona thĩna nĩwe ũteithio wakwa
Ndatindirũka ndarĩ areka ngũe
Mũhei irio hĩndĩ ya ng’aragu
Mũhonokia reke ndĩmũgooce

Ngũĩna ũmũthĩ ta itakaina rũciũ
Ngathĩrĩrie wega wa Mũnyũmbi
Nĩguo ona arĩa matoĩ mamenye
Ũtugi na tha ciake nĩ nyingĩ
Ũtugi na tha ciake nĩ nyingĩ

Ngũĩna ũmũthĩ ta itakaina rũciũ
Ngathĩrĩrie wega wa Mũnyũmbi
Nĩguo ona arĩa matoĩ mamenye
Ũtugi na tha ciake nĩ nyingĩ
Ũtugi na tha ciake nĩ nyingĩ