https://youtu.be/O6EhXzyKyXo

Ngĩkũra ndoragio nĩ andũ
Kwanyu nĩguo mũrĩ athĩni
Ona irio cia nda nĩ thĩna
Mũciĩ ũyũ ũkoimĩrĩra kũ,

Nĩndameraga ciugo ici
Matu-inĩ nĩkũrĩ Ngai
Ũcio mũtheremia wa ngĩa
Na mũhũnia wa mũthĩni

Ngai nĩakũmaga thĩna
Akahukia kĩnyararo
Kuona atĩ ũyũ nĩniĩ ũmũthĩ
Ngai nĩakũmaga thĩna

Ũrĩa andũ a gũkũ monaga
Tiguo Ngai witũ onaga
Nĩngĩ mwĩcirĩrie wa andũ
Na wa Ngai nĩũtigaine

Andũ a thĩ makĩona gĩkuũ
Ngai witũ onaga muoyo
Ũkĩgerera mathĩna aa
Ngai witũ onaga wũira

Ngai nĩakũmaga thĩna
Akahukia kĩnyararo
Kuona atĩ ũyũ nĩniĩ ũmũthĩ
Ngai nĩakũmaga thĩna

Thĩna nĩũnyihagia mũndũ
Ũgagũtua ngombo yao
Mũndũ onagwo ndeciragia
Na tikwenda nĩ mathĩna

Woni wa mũndũ mũthĩni
Nduonekaga wĩna ũritũ
Ĩndĩ Ngai agũcerera
Nĩwe ũhoyagwo maataro

Ngai nĩakũmaga thĩna
Akahukia kĩnyararo
Kuona atĩ ũyũ nĩniĩ ũmũthĩ
Ngai nĩakũmaga thĩna

Mũndũ ũtarĩ nĩ mũigĩre
Gũtirĩ mũnini mũkĩa
Bata no kũgĩa wetereri
Ngai witũ nĩarĩ hinya

Gũtirĩ rũgano thĩ-ĩno
Rũngĩthomwo ũtandĩkĩte
Rĩmwe thĩna ndũkahũthio
Nĩguo ũthondekaga wũira

Ngai nĩakũmaga thĩna
Akahukia kĩnyararo
Kuona atĩ ũyũ nĩniĩ ũmũthĩ
Ngai nĩakũmaga thĩna

Ngai nĩakũmaga thĩna
Akahukia kĩnyararo
Kuona atĩ ũyũ nĩniĩ ũmũthĩ
Ngai nĩakũmaga thĩna