Chege Wa Willy – Guoko Kwa Jehova Lyrics

Aisreali rĩrĩa makinyire
Rũĩ Jorodani na maringa
Ngai akĩĩra Joshũa oya ihiga
Ũrĩhande rũĩ gatagatĩ

Nacio ciana cianyu ingĩkamũũria
Kĩrĩa gĩatũmire mũrĩhande
Mũgaciĩra nĩ kĩririkano
Kĩa ũrĩa mwakũrirwo ũkombo-inĩ

Guoko kwa Jehovah kwĩ wĩra-inĩ
Maũndũ mothe marũgamaga
Huho na makũmbĩ ikarũgama
Ciathĩkĩre guoko kwa Ngai

Nacio ciana cianyu ingĩkamũũria
Mũgaciĩra hĩndĩ ĩrĩa mwaumaga
Misiri nĩ kwarĩ na thũ nyingĩ
Ciamumaga thutha njĩra-inĩ

Ĩndĩ guoko kũrĩa kwa Jehovah
Kwĩ na hinya wa kũhonokania
Gũgĩtũma thũ icio ininwo ciothe
Cianinĩirwo biũ iria-inĩ

Guoko kwa Jehovah kwĩ wĩra-inĩ
Maũndũ mothe marũgamaga
Huho na makũmbĩ ikarũgama
Ciathĩkĩre guoko kwa Ngai

Arutwo moona nĩ megũthira
Magũkaĩire na ũkĩmetĩka
Ũkĩhoreria huho na makũmbĩ
Ũhoro ũcio ũkĩandĩkwo tũthomage

Guoko gwaku no kwahũthĩkire
Na Daudi akĩũraga Goliathũ
Akĩrũĩrĩra rũrĩrĩ rwaku
O na ũguo gũkĩandĩkwo tũthomage

Guoko kwa Jehovah kwĩ wĩra-inĩ
Maũndũ mothe marũgamaga
Huho na makũmbĩ ikarũgama
Ciathĩkĩre guoko kwa Ngai

Maũndũ marĩa ũrĩtwĩkagĩra
Nĩ tũrĩkaga ũndũ wa gũtũma
Gũtũũre kũririkanagũo atĩ
Ũũ nĩ Jehovah watwĩkĩire

Nacio ciana ciitũ ingĩgatũũria
Tũgaciĩra rĩrĩa wekaga ũguo
Maũndũ mothe marũgamĩtio
Mũgambo waku wathĩkĩrwo

Guoko kwa Jehovah kwĩ wĩra-inĩ
Maũndũ mothe marũgamaga
Huho na makũmbĩ ikarũgama
Ciathĩkĩre guoko kwa Ngai

Guoko kwa Jehovah kwĩ wĩra-inĩ
Maũndũ mothe marũgamaga
Huho na makũmbĩ ikarũgama
Ciathĩkĩre guoko kwa Ngai

Guoko kwa Jehovah kwĩ wĩra-inĩ
Maũndũ mothe marũgamaga
Huho na makũmbĩ ikarũgama
Ciathĩkĩre guoko kwa Ngai