Joseph Kariuki Kiarutara – Njugira Ngemi Lyrics

Gĩkũyũ augire ngemi ciumaga na mũciĩ
Kĩrathimo gĩa aciari nĩkĩo mũnyaka
Maitũ, njugĩra ngemi ĩĩ
Baba, njugĩra ngemi
Njugĩra ngemi njiarwa ciakwa igĩthereme

Gũtirĩ mũndũ ũthũire kũgĩa ngumo njega
Mũciari akenaga ciana ciake ikĩganwo
Nĩũndũ, Wagwĩka wega,
Nĩũndũ, wagũthiĩ mbere
Kĩrathimo gĩa aciari nĩkĩo mũnyaka

Maitũ, njugĩra ngemi ĩĩ
Baba, njugĩra ngemi
Njugĩra ngemi njiarwa ciakwa igĩthereme

Natondũ nyama igayanagĩrwo ithĩnjĩro
Ihinda narĩo nĩ ikinyu cikĩgayanwo
Mwarĩ, huria kagutho
Mũriũ, huria kagutho
Mũtĩ ũgũagĩra ũrĩa ũkoragwo ikuhĩ.

Wũiguithanio nĩguo njĩra ya kĩrathimo
Mũciari acokanagĩrĩria ciana ciake
Agacooka, agaturia maru
Akahoya mahoya mega
Kĩrathimo kiumaga igũrũ kwĩ Ngai

Maitũ, njugĩra ngemi ĩĩ
Baba, njugĩra ngemi
Njugĩra ngemi njiarwa ciakwa igĩthereme

Hĩndĩ ya tene athuuri makaga thingira
Kũrĩa ciana ciathiaga kũigua mataaro
No rĩu, thingira ndũtũire
No rĩu, gũtirĩ mataaro
Aciari arĩa me thikũ ici matiratũtaara

Onawe mũciari no ũkĩgae kĩrumi
Nĩũndu wa kwenda ciana imwe na imwe ũkamena
Nanowe waciciarire
Nanowe wacirehire thĩ
Menyerera ndũkaroge ciana ũciarĩte

Hĩndĩ ya tene athuuri makaga thingira
Kũrĩa ciana ciathiaga kũigua mataaro
No rĩu, thingira ndũtũire
No rĩu, gũtirĩ mataaro
Aciari arĩa me thikũ ici matiratũtaara

Onawe mũciari no ũkĩgae kĩrumi
Nĩũndu wa kwenda ciana imwe na imwe ũkamena
Nanowe, waciciarire
Nanowe, wacirehire thĩ
Menyerera ndũkaroge ciana ũciarĩte

Maitũ, njugĩra ngemi ĩĩ
Baba, njugĩra ngemi (Haiya)
Njugĩra ngemi njiarwa ciakwa igĩthereme