Maitũ witũ wĩyũmĩrĩrie no mahoya hoya Ngai
Ngai atwehererie thĩna nĩtũĩ Ngai arĩ muoyo
Tũtingĩtũũra na thĩna rĩmwe Ngai nĩakaigua tha
Maithori ũtũire ũrĩraga na gwĩcokia ũriganĩrwo
Nĩ amu ĩtarĩ mũting’oe no Ngai ũmĩhuraga ngi

Mami ĩĩĩ
Wĩgirie maithori maitũ

Niĩ mami ndimakaga nĩkũmenya wega thĩna
Nĩ inooro rĩa kũnjũhĩgia nĩ training ya maisha
Gwĩ kiugo guka anjĩrire atĩ thĩna ndũrĩ mĩri
Mũka* na tũmĩtambĩro nĩ nyoni ĩtarĩ gĩtara
Kanua karĩaga rũtũ ng’aragu ĩhaga ĩkiumwo

Mami ĩĩĩ
Wĩgirie maithori maitũ

Maitũ hoyagĩra Ngai ndaaga gũkua no ngataha
Tiga nĩ ũtana ũyũ wa ngĩa wamenya nĩwanjiarire
Ndingĩkua ngoro nĩ ihanda na ndingĩiga kĩgĩna thĩ
Mũtũũri mũno ndagaga ĩ mbura ĩrĩ iyũ ndĩhiũhaga
Kĩnyararo na kĩmeno no cikauma nyũmba iitũ

Mami ĩĩĩ
Wĩgirie maithori maitũ

Ũtũrerete na thĩna na rũitĩki ta Lazaro
Rĩrĩ nĩ ihinda rĩa ihoya Ngai akuongerere mĩaka
Ũtuonagia mbica maitũ ĩ ũgatwĩra baba nĩakuire
Na nĩma mbũri ĩrĩ hĩnju ndĩonaga mũũnĩri rũkũ
Mũthĩni ameneirwo hunyũ no Ngai ũrĩ bata nake

Mami ĩĩĩ
Wĩgirie maithori maitũ

Arĩa amwe wonaga nacio aingĩ marĩ njũna ndara
Thĩna nĩumagwo mami no anga gĩkuũ gĩtoimagwo
Harĩa he mwĩhoko nguuga hau nĩho harĩ njĩra
Mami njugagĩra ngemi ngĩthiĩ itaha na ngĩinũkia
Nĩamu ona njũkĩ yerirwo ndĩtigithagio manayo

Mami ĩĩĩ
Wĩgirie maithori maitũ

Arĩa amwe wonaga nacio aingĩ marĩ njũna ndara
Thĩna nĩumagwo mami no anga gĩkuũ gĩtoimagwo
Harĩa he mwĩhoko nguuga hau nĩho harĩ njĩra
Mami njugagĩra ngemi ngĩthiĩ itaha na ngĩinũkia
Nĩamu ona njũkĩ yerirwo ndĩtigithagio manayo

Mami ĩĩĩ
Wĩgirie maithori maitũ