Niĩ ngũkũhe na ngerekano ya mũndũ wetagwo Esau,
Maandĩko matwĩraga wega ndonire kĩrathimo gĩa ithe,
Makĩria nĩwe warumirwo, akĩrwo egũtũũra e ngombo,
Nginyagia hĩndĩ ĩrĩa akanoga oe rũhiũ erũĩrĩre.

Koguo nĩ nginya rĩrĩa ũkanoga kũheaga ngoro iremithia,
Rĩrĩa ũgatiga kũmĩraga ũũ na ũũ tũtingĩhota,
Nĩ ũkanoga gũkirĩrĩria, uge ciaigana nĩ ciaigana,
Hĩndĩ ĩyo noguo we ũkahota gũkinyanĩria merirĩria.

Maandĩko nĩmo matwĩraga ithe nĩwe wamũtarire,
Akĩmwĩra rĩrĩa akanoga gũtuĩka ngombo ya Jakubu,
Nĩ akanoga gũkirĩrĩria,gwathagwo nĩ mũrũ wa nyina,
Hĩndĩ ĩyo norĩo akoya rũhiũ erũĩrĩre na ahotane.

Koguo nĩ nginya rĩrĩa ũkanoga kũheaga ngoro iremithia,
Rĩrĩa ũgatiga kũmĩraga ũũ na ũũ tũtingĩhota,
Nĩ ũkanoga gũkirĩrĩria, uge ciaigana nĩ ciaigana,
Hĩndĩ ĩyo noguo we ũkahota gũkinyanĩria merirĩria.

Ngwenda wĩke ũtuĩria waku harĩ ciana ici cia Isaka,
Nũũ watuĩkire ngombo nũũ warathimirwo mũno,
Nĩ ũkuona Jakubu nĩ orire agĩthiĩ gũtuĩka ngombo,
Esau nake agĩtherema na atĩ nĩwe warĩ mũrume.

Koguo nĩ nginya rĩrĩa ũkanoga kũheaga ngoro iremithia,
Rĩrĩa ũgatiga kũmĩraga ũũ na ũũ tũtingĩhota,
Nĩ ũkanoga gũkirĩrĩria, uge ciaigana nĩ ciaigana,
Hĩndĩ ĩyo noguo we ũkahota gũkinyanĩria merirĩria.

Ũkombo ũrĩa mũingĩ twĩnaguo nĩ maciaro magwĩtigĩra,
Na kũheaga ngoro itũmi iria igũtũragia thutha,
No ngwĩre rĩrĩa we ũkanoga, nĩ ũgetĩkĩra kwĩihũria,
Hĩndĩ ĩyo we nĩ ũkeĩtĩkia ũrorane na mũtũrĩre.

Koguo nĩ nginya rĩrĩa ũkanoga kũheaga ngoro iremithia,
Rĩrĩa ũgatiga kũmĩraga ũũ na ũũ tũtingĩhota,
Nĩ ũkanoga gũkirĩrĩria, uge ciaigana nĩ ciaigana,
Hĩndĩ ĩyo noguo we ũkahota gũkinyanĩria merirĩria.

Koguo nĩ nginya rĩrĩa ũkanoga kũheaga ngoro iremithia,
Rĩrĩa ũgatiga kũmĩraga ũũ na ũũ tũtingĩhota,
Nĩ ũkanoga gũkirĩrĩria, uge ciaigana nĩ ciaigana,
Hĩndĩ ĩyo noguo we ũkahota gũkinyanĩria merirĩria.