Nĩ ndĩraikarĩte thĩ handũ hana
Ndĩroya thimũ yakwa ĩrĩa nyendete
Harĩa nyandĩkaga marĩtwa ma andũ
Ma arĩa nyenda matikanariganĩre

Ũhooro ũrĩa ũraheire kĩeha nĩ atĩ
Ndaikũrũka ngĩthomaga marĩtwa
Ndĩrakora hena andũ mandigire
He marĩtwa watharirie wee mwene
Ona ingĩhũra thimũ matingĩoya

Ĩiya wakwa ingĩĩka atĩa nĩguo ũkene
Ngwĩka atĩa Baba ũmenye ndĩ mũkenu
Ndĩ mbere yaku itekũhoya onakĩ
No ndooka tu o gũkwĩra nĩwega

Ndeyũmĩrĩirie tharie namba ciao
Maithori mahiu maranjina maitho
Ndaririkana ikeno twakenaga
Na arata acio maithori maraitĩka

Ndĩrarika gwĩciria ũhoro wa andũ
Atumia ao ona ciana ciao
Mathenya marĩa matigirwo namo
Gũtarĩ mũndũ ona ũmwe ũngĩmathinga
Ndagũthaitha tirĩrĩra mĩciĩ ĩyo

Ĩiya wakwa ingĩĩka atĩa nĩguo ũkene
Ngwĩka atĩa Baba ũmenye ndĩ mũkenu
Ndĩ mbere yaku itekũhoya onakĩ
No ndooka tu o gũkwĩra nĩwega

Mwĩrĩ ũrĩa ũrwaraga niĩ ndĩ onaguo
Mwĩrĩ ũria ũthikagwo niĩ ndĩ onaguo
Mũtumia ũria ũtigagwo ndĩ o nake
Ona ciana iria itigagwo ndĩ o nacio

Wee Mũhonanioa nĩwe ũhonagia
Wee Mwene muoyo nĩwe ũndũragia
Wee niwe ũtĩragia gĩkuũ gĩakwa
Nĩgetha njikarange thĩ ĩno ngene
Ngĩkena ndeithia gũgũtĩithagia

Ĩiya wakwa ingĩĩka atĩa nĩguo ũkene
Ngwĩka atĩa Baba ũmenye ndĩ mũkenu
Ndĩ mbere yaku itekũhoya onakĩ
No ndooka tu o gũkwĩra nĩwega