https://youtu.be/aVnoKC4dWgQ

Kariuki Wa Kiarutara – Wira Ni Wira Lyrics

Nĩ kĩeha ngũigua ndaigua ũgĩcambia wĩra ũrĩa ndutaga
Ndamenya ingĩaga kũruta wĩra ciana nĩ ikũhũta
Ningĩ ciahũta wũitĩke kũnjambia nĩndĩremetwo
Mũndũ wa kanua Gĩkũyũ augire ndarĩ gwake kwega

Ĩtarĩ thahu ĩgunagwo nĩ ikoro rĩa njĩra-inĩ
Ndingĩaga kũgĩa atĩ tondũ wĩra wakwa nĩ mũũru
Ũnjĩte cuha kana ũnjĩte rĩtwa rĩngĩ rĩũru
Rĩtwa nĩ mbũkio ningĩ gũtirĩ rĩtakũria mwana

Wĩra nĩ wĩra wa icembe na wa karamu nĩ wira ĩĩ
Naguo nĩ wĩra ĩĩ
Gĩkũyũ oigire gũtirĩ mũrĩo ũtainia rũthĩa

Ngũria nĩ aigana maheyagwo mĩcaara ngiri nyingĩ
Na magakĩrwo nĩ mũndũ wa kamũcaara ka igoto
Ciringi yakwa nama ĩrĩ ruo ta nderu cia iniũrũ
No karimũ-inĩ kenyũ na kenyũ cioyanagĩra nda

Niĩ ingĩkwĩra ũbute wĩra kuũ wandĩkĩtwo
Ũũke tũinage hihi no ngũteere mũnyaka waku
Gũtirĩ mwega na gũtirĩ mũũru wĩra nĩ wĩra
Tiga nĩ andũ a thĩ matarĩ hĩndĩ magakĩiganĩra

Wĩra nĩ wĩra wa icembe na wa karamu nĩ wira ĩĩ
Naguo nĩ wĩra ĩĩ
Gĩkũyũ oigire gũtirĩ mũrĩo ũtainia rũthĩa

Bata wa wĩra nĩ ciringi ĩrĩa iroima wĩrainĩ ũcio
Wĩra ũngĩagĩra na wage mbia ndũngĩkĩwenda
Rĩrĩa ũkũnyona ndĩna thururu njigĩrĩire ciande
Ndũkenagĩra Ngai nĩũndũ wa kũhe hinya ta ũcio

Wathikĩrĩria mĩario ya kĩrĩndĩ ũrĩ wĩrainĩ
Ũgũikio riko na wetha wagũkũruta ũmwage
Wonete aigana makuithĩtio ndigiri nĩ arĩa angĩ
Magĩetha ũtonga na gũtonga nĩ matigari ma nda

Wĩra nĩ wĩra wa icembe na wa karamu nĩ wira ĩĩ
Naguo nĩ wĩra ĩĩ
Gĩkũyũ oigire gũtirĩ mũrĩo ũtainia rũthĩa