Nĩ mũciari ũrĩkũ ũtendaga
Kuona ciana ciake igĩthiĩ wega,
Ĩ kana kuona rĩrĩa marũngĩrĩirie
Na mĩthiĩre ya ma,

Ĩ tikĩo Jakubu etire
Ariũ ake akĩmarathima
Akĩmahe kĩrĩa mwana
Atangĩheo nĩ arata ake
Akĩmatua kĩrĩa mwana
Atangĩtuo nĩ arata ake

Na inyuĩ ciana ciakwa
Mũrĩrathaga mũrũngĩrĩirie
(Mwĩ mĩguĩ yakwa)
Mũrathage mũrũngĩrĩirie

O ta mĩguĩ
Moko-inĩ ma mũguĩmi
Nĩguo Ngai wakwa arĩmũtuaga
O ta mĩguĩ
Moko-inĩ ma mũguĩmi
Nĩguo Ngai wakwa arĩmũtuaga

Arĩa akũrũ makenagĩrĩra
Kuona njiarwa cia ciana ciao
Na kũrĩ o njiarwa itariĩ ta mahũa
Mega magemetie mũciĩ

Ĩ tikĩo merutanagĩria mũno
Kũramata ciana,
Nĩguo cikamahe tũcũkũrũ
Twa gwĩtĩaga natuo,
Nĩguo ciugo ihinge
Waathi wakũra wongagĩrĩrwo ũngĩ

Na inyuĩ ciana ciakwa
Mũrĩrathaga mũrũngĩrĩirie
(Mwĩ mĩguĩ yakwa)
Mũrathage mũrũngĩrĩirie

O ta mĩguĩ
Moko-inĩ ma mũguĩmi
Nĩguo Ngai wakwa arĩmũtuaga
O ta mĩguĩ
Moko-inĩ ma mũguĩmi
Nĩguo Ngai wakwa arĩmũtuaga

Moko-inĩ ma Ngai hau nĩho
Ndamũhitha inyuĩ ciana ciakwa,
Reke we mwene atuĩke mwarimũ wanyu
Nĩgetha amwerekagĩrie

O kũrĩa angĩenda kũmumĩrĩria
Nĩwe Ngai wanyu,
Na kĩrĩa angĩenda mũtuĩke
Kana mũgĩe nowe ũĩ,
Ĩndĩ naguo thayũ na ũhootani
Nĩ igai rĩanyu.

Na inyuĩ ciana ciakwa
Mũrĩrathaga mũrũngĩrĩirie
(Mwĩ mĩguĩ yakwa)
Mũrathage mũrũngĩrĩirie

O ta mĩguĩ
Moko-inĩ ma mũguĩmi
Nĩguo Ngai wakwa arĩmũtuaga
O ta mĩguĩ
Moko-inĩ ma mũguĩmi
Nĩguo Ngai wakwa arĩmũtuaga

Na inyuĩ ciana ciakwa
Mũrĩrathaga mũrũngĩrĩirie
(Mwĩ mĩguĩ yakwa)
Mũrathage mũrũngĩrĩirie

O ta mĩguĩ
Moko-inĩ ma mũguĩmi
Nĩguo Ngai wakwa arĩmũtuaga
O ta mĩguĩ
Moko-inĩ ma mũguĩmi
Nĩguo Ngai wakwa arĩmũtuaga