Nĩ Joshua wakũhoire hĩndĩ ĩrĩa we onire,
Riũa rĩkirie kũinama thũ cimũngetheire,
Agĩkũhoya nĩguo ũmũ’rũgamĩrie riũa,
Nĩgetha metoranĩrie mbaara ĩmũrĩire.

Ndakũhoya ndũkareke thũĩrwo nĩ riũa,
Mwathani ma ndũkareke riũa rĩkĩiname,
Ĩtĩkĩra kũrũgamia nduma ĩno Mwathani,
Ndũkareke gũtumane Baba itegwatĩire.

Matharĩkanĩire na thũ mũthenya mũgima,
Nako gakirie gũtuka atacitoretie,
Ũkĩmũrũgamĩria riũa aiyũkie ũhotani,
Agĩgĩtooria thũ ciake nginya agĩcitaha.

Ndakũhoya ndũkareke thũĩrwo nĩ riũa,
Mwathani ma ndũkareke riũa rĩkĩiname,
Ĩtĩkĩra kũrũgamia nduma ĩno Mwathani,
Ndũkareke gũtumane Baba itegwatĩire.

Iburahimu athũĩirwo nĩ riũa hĩndĩ ĩmwe,
Atindĩte agwetereire arangĩire igongona,
Tiga wokire Mwathani gũtanacimana,
Nĩendete kũũrwo nĩ hinya no wee ũkĩmwarĩria.

Ndakũhoya ndũkareke thũĩrwo nĩ riũa,
Mwathani ma ndũkareke riũa rĩkĩiname,
Ĩtĩkĩra kũrũgamia nduma ĩno Mwathani,
Ndũkareke gũtumane Baba itegwatĩire.

Jakubu athũĩirwo nĩ riũa arĩ rũgendo-inĩ,
Arorete kwa mamawe njĩra ĩgĩtumana,
Wamũkorire akomete werũ wa Harani,
Ũkĩmũriũkĩria mwĩhoko wa kũrĩa athiaga.

Ndakũhoya ndũkareke thũĩrwo nĩ riũa,
Mwathani ma ndũkareke riũa rĩkĩiname,
Ĩtĩkĩra kũrũgamia nduma ĩno Mwathani,
Ndũkareke gũtumane Baba itegwatĩire.

Rĩmwe riũa rĩthũaga tũgakĩguoyoha,
Rĩkainama hĩndĩ ĩrĩa ithuĩ tũtakinyanĩirie,
Cioneki na maũndũ marĩa ithuĩ tũtanyaga,
Tũgakĩũrwo nĩ muoroto cioneki ikahuna.

Ndakũhoya ndũkareke thũĩrwo nĩ riũa,
Mwathani ma ndũkareke riũa rĩkĩiname,
Ĩtĩkĩra kũrũgamia nduma ĩno Mwathani,
Ndũkareke gũtumane Baba itegwatĩire.

Nduma ĩno ya mũtũrĩre Baba mĩrũgamie,
Nĩguo tũhingie muoroto gũtanagĩtuka,
Tũringithanĩrie mĩaka ĩrĩa tuonete ruo,
Tũkĩgwatĩre irathimo iria wanatũĩrĩra.

Ndakũhoya ndũkareke thũĩrwo nĩ riũa,
Mwathani ma ndũkareke riũa rĩkĩiname,
Ĩtĩkĩra kũrũgamia nduma ĩno Mwathani,
Ndũkareke gũtumane Baba itegwatĩire.

Ndakũhoya ndũkareke thũĩrwo nĩ riũa,
Mwathani ma ndũkareke riũa rĩkĩiname,
Ĩtĩkĩra kũrũgamia nduma ĩno Mwathani,
Ndũkareke gũtumane Baba itegwatĩire.