Njoki ngĩkũhikia ndoĩ nĩndagĩ mũramati mũciĩ
Ĩ githĩ nĩ thĩna ndarehire gwakwa na makũnia
Njũkagĩra tene ndore hihi kana no tũteithĩke
Wee nawe watigwo mũciĩ wĩra waku nĩ kũhurunja

Njoki wahanire bubu ona bubu nama nĩkũnyakwo ĩĩĩ
Tondũ nĩĩragwo ũndũ ĩgeka mwendwa na ndĩiguaga
Githĩ andũ aitũ kũna mwĩĩro wa ngoro ndũkinyaga
Nĩamu niĩ ngĩhikia Njoki ndioĩ nĩtũgacokanĩria

Niĩ ndirĩ kĩnanda gĩaku mwendwa ngũinagĩre o mũthenya
Nawe ũthũngũthage handũ ha wũine Njoki ũgakatika

Ũyũ nĩ mũgũnda tũgaĩirwo nĩ aciari tũrĩmage
Tarora mĩbangi ĩrakinyĩra marigũ ciongoro
Ũcoke ũrore ng’ombe ĩrĩa ndĩragũrire tũkamage ĩĩ
Ndĩonaga mahuti rĩu ĩraihĩtie ngingo ta thwariga

Njoki ũyũ nĩ mwana atindaga akĩgamba ta kĩng’ora ĩĩ
Tondũ ndũngĩhota kuoya hũma ũmũcerere tũgwacĩ
Nĩamu ũgĩũkĩra ũguo nĩũrũgĩtie mĩtari kwa Nyawĩra ĩĩ
Ũgatinda gwake mũkĩheana njukũ gũgatuka\

Wooiiiyeeee
Niĩ ndirĩ kĩnanda gĩaku mwendwa ngũinagĩre o mũthenya
Nawe ũthũngũthage handũ ha wũine Njoki ũgakatika

Takĩrore nyũmba yahanire ta kĩara kĩa mahuti ĩĩ
Tondũ ndũhataga kũranunga ta gũkuĩrĩire mbĩa
Nĩwanjambithirie ndutaga nguo ngamĩcokia mwĩrĩ ĩĩ
Tondũ ndũhũraga warinda cigumagĩra kĩraĩ

Angĩkorwo Njoki thĩ-ĩno kũrĩ andũ matarĩ mbuguiro ĩĩ
Wee nĩwe ũmwe wao tondũ ona ingĩkũhũra ndũiguaga
Tawĩrore mwĩrĩ wone mwendwa irema iria ngũĩkĩrĩte ĩĩ
Nginya ngona wega ndigane na we ndigagũtue kĩonje

Wooiiiyeeee
Niĩ ndirĩ kĩnanda gĩaku mwendwa ngũinagĩre o mũthenya
Nawe ũthũngũthage handũ ha wũine Njoki ũgakatika

Reke naniĩ ngwĩre ndũĩrega kwĩrwo na ũrege kũhetwo ĩĩ
Nĩtũgũtigana kaba njikare itarĩ mũrugĩri
Gĩkũnje kĩbarĩ oha mĩano yaku ũthiĩ tũtigane ĩĩ
Ona mĩena nĩ ĩna yũmaga rũhuho ndikwenda gĩko

Niĩ ndirĩ kĩnanda gĩaku mwendwa ngũinagĩre o mũthenya
Nawe ũthũngũthage handũ ha wũine Njoki ũgakatika

Niĩ ndirĩ kĩnanda gĩaku mwendwa ngũinagĩre o mũthenya
Nawe ũthũngũthage handũ ha wũine Njoki ũgakatika