Nĩũndũmĩte ngathiĩ nangakinya na ngaruta wĩra ũrĩa ũnjathĩte
Ĩndĩ rĩrĩa Ngai ngũhũndũka ngakora ũũru ũnjetereire
Nĩa atĩa ũũ kũrathiĩ Ngai njokeria

Ndũkarakare woi ndakũria ũguo
Nĩwe ũnduĩte Ngai mũgũthaithi
Ndũkarakare woi ndakũria ũguo
Nĩwe ũnduĩte Ngai mũgũthaithi

Ngĩruta wĩra ũcio ũndũmaga
Ndutaga na ngoro ĩtarĩ ũcuke
Ngerutanĩria njũĩ Ngai wakwa
Nĩũrakenio nĩ ũhoro ũcio mũno
Ĩndĩ thutha wa ũguo nĩngĩte nganja

Ndũkarakare woi ndakũria ũguo
Nĩwe ũnduĩte Ngai mũgũthaithi
Ndũkarakare woi ndakũria ũguo
Nĩwe ũnduĩte Ngai mũgũthaithi

Tathikĩrĩria haha Ngai njĩĩra
Tondũ kũrĩ ona aingĩ mahana ũguo
Nĩnduĩrĩtie ngona na ngamenya
Mahobanĩrio marĩ icokero-inĩ
Matioĩ kwĩ ũũru wametereire

Ndũkarakare woi ndakũria ũguo
Nĩwe ũnduĩte Ngai mũgũthaithi
Ndũkarakare woi ndakũria ũguo
Nĩwe ũnduĩte Ngai mũgũthaithi

Nĩ aingĩ ngwĩre monete ũndũ ta ũyũ
Hĩndĩ ĩrĩa Ngai wamatũmĩte
Na hĩndĩ ĩrĩa monanire na ũũru
Ũgĩtiga Ngai wamahehenja
Nĩ atĩa gũthiaga Ngai njokeria

Ndũkarakare woi ndakũria ũguo
Nĩwe ũnduĩte Ngai mũgũthaithi
Ndũkarakare woi ndakũria ũguo
Nĩwe ũnduĩte Ngai mũgũthaithi

Kaĩ ngũũrio mũgũtumi enakũ
Na hinya wa Ngai waku ũkĩrĩ kũ
Ndũkareke nyararĩrwo Ngai wakwa
Ngĩũragio nĩ arĩa magũthũire
Hĩndũka ihenya matanatamũka

Ndũkarakare woi ndakũria ũguo
Nĩwe ũnduĩte Ngai mũgũthaithi
Ndũkarakare woi ndakũria ũguo
Nĩwe ũnduĩte Ngai mũgũthaithi