Ngai rĩrĩa watua kwaria nĩwaragia na njĩra nyingĩ,
No he njĩra ũranjarĩirie nayo ndĩroiga Ngũthikĩrĩrie,
NĩũrangUthũkĩire na ũracoka ũranjarĩria na Ũhoreri,
Ũranjĩra mwana wakwa akorwo nĩũrĩ matũ thikĩrĩria

Nĩkũrĩ handũ niĩ ngũtwaraga,
Nĩkũrĩ handũ nyendaga gũgũkinyia,
Thingata na kĩyoo ũtekũnoga,
Niĩ mwene nĩngatũma ũrĩkie wega.

O ndegete gũtũ njigue mataaro maku nĩũranjĩrire,
Atĩ nĩharĩ ũndũ ũmwe wendete mũno na nĩũgũkenagia,
Nĩwendete hingo ciothe ngoro ĩheraga na ĩkenyihia,
Taigua ciugo ici mwana wakwa naniĩ nĩnjũĩ ndũkerira

Nĩkũrĩ handũ niĩ ngũtwaraga,
Nĩkũrĩ handũ nyendaga gũgũkinyia,
Thingata na kĩyoo ũtekũnoga,
Niĩ mwene nĩngatũma ũrĩkie wega.

Nonyende twarangie Mwana wakwa nĩ tondũ
Nĩngwendete, ririkana kũrĩa guothe ndanakũgereria o ngĩgwetha,
Ririkana kware ĩrĩa niĩ ndakwenjire ma ngũhũthĩre,
Rũmia ciugo ici nawe ũciĩkĩre ngoro-inĩ yaku thĩiniĩ.

Nĩkũrĩ handũ niĩ ngũtwaraga,
Nĩkũrĩ handũ nyendaga gũgũkinyia,
Thingata na kĩyoo ũtekũnoga,
Niĩ mwene nĩngatũma ũrĩkie wega.

Reke nginyie hau nĩguo ndige ũgĩthagumia ũhoro ũcio,
Geria mũno mũno kũrora maũndũ maya ndakwarĩria,
Naniĩ ndũrie ĩrĩkanĩro iria ciothe twarĩkanĩire,
Na ũmenyage nĩngakena rĩrĩa ngona ũkĩrĩkia wega.

Nĩkũrĩ handũ niĩ ngũtwaraga,
Nĩkũrĩ handũ nyendaga gũgũkinyia,
Thingata na kĩyoo ũtekũnoga,
Niĩ mwene nĩngatũma ũrĩkie wega.