Hĩndĩ ĩrĩa ndaciarirwo na ngĩrĩkia kwĩmenya
Aciari akwa manyonirie ĩ wee ũtuĩke Ngai wakwa
Ngĩgwĩtĩkia itarĩ ndakuona, ngĩgũtungatĩra na ngoro ĩmwe
Ũmũthĩ ndoka ona ihoya rĩmwe, tha ciaku irotũũra igũrũ rĩakwa
Ũmũthĩ ndooka ngũthaithe Ngai, ndũkanareke ngaconoka

Ndũkanandiganĩrie ĩ, thũ ciakwa itikoone mĩtheko
Ndũkanairio ngoro nĩniĩ ĩ,tondũ ngoragwo ndĩ wa Ngai ũmwe
Ndirĩ Ngai ũngĩ ingĩkaĩra,kana ndĩmũrutĩre magongona
Ndirĩ ũngĩ ũngĩigua kĩrĩro gĩakwa, andangĩre ndigathinĩkane
Ndũkanakĩhingĩre matũ,atĩ wage kũnjigua
Ngai wama nowe wiki ngoro ĩno yakwa ĩcũthĩrĩirie

Tũnua twa arĩa anyenderi ũũru,tũngĩkerekera rĩtwa rĩakwa
Tũnjathĩrĩrie mbaara na mũthiro,Ngai ndahoya ũgakorwo ho
Mĩario yao ũkamĩtua tũhũ,yũmbũke na ĩthirĩre rĩera-inĩ
Ndĩkanone ũtheri wa mũthenya,kana handũ ha kwĩnyitĩrĩra
Wendi wa acio anyenderi ũũru,ndũkanone ũtheri wa mũthenya

Ndũkanandiganĩrie ĩ, thũ ciakwa itikoone mĩtheko
Ndũkanairio ngoro nĩniĩ ĩ,tondũ ngoragwo ndĩ wa Ngai ũmwe
Ndirĩ Ngai ũngĩ ingĩkaĩra,kana ndĩmũrutĩre magongona
Ndirĩ ũngĩ ũngĩigua kĩrĩro gĩakwa, andangĩre ndigathinĩkane
Ndũkanakĩhingĩre matũ,atĩ wage kũnjigua
Ngai wama nowe wiki ngoro ĩno yakwa ĩcũthĩrĩirie

Wee nĩwĩkĩraga nguraro,ningĩ ũgacooka ũgacihonia ĩ
Ndũkananjĩkĩre nguraro ĩ,torĩa wekĩrithirie Ayubu
Ndũkanahe mũcukani rũtha,ahutie mwĩrĩ wakwa na ndwari
Aninĩre ciana ona ũtonga,ũrĩa ndũire ngũthaithaga ũũhe
Maithori ndanagũthaitha namo,ndũkanareke matuĩke tũhũ

Ndũkanandiganĩrie ĩ, thũ ciakwa itikoone mĩtheko
Ndũkanairio ngoro nĩniĩ ĩ,tondũ ngoragwo ndĩ wa Ngai ũmwe
Ndirĩ Ngai ũngĩ ingĩkaĩra,kana ndĩmũrutĩre magongona
Ndirĩ ũngĩ ũngĩigua kĩrĩro gĩakwa, andangĩre ndigathinĩkane
Ndũkanakĩhingĩre matũ,atĩ wage kũnjigua
Ngai wama nowe wiki ngoro ĩno yakwa ĩcũthĩrĩirie

Tondũ Ngai nĩndagwĩthurĩire,ũtuĩke Mwathi wa ngoro yakwa ĩ
Ndirĩ ndainamĩrĩra Ngai ng’eni na ndirĩ hĩndĩ ngainamĩrĩra
Gĩtũũre ũrũmbũyanagia naniĩ,gĩtũũre ũheithagia gĩtĩyo
Ngai ĩ Ngai wa ma ithe maitũ,ndagũtua ta ihenya rĩa kamũtĩ
Njiarwa ciothe ikoima nda-inĩ yakwa inengererio tene na tene

Ndũkanandiganĩrie ĩ, thũ ciakwa itikoone mĩtheko
Ndũkanairio ngoro nĩniĩ ĩ,tondũ ngoragwo ndĩ wa Ngai ũmwe
Ndirĩ Ngai ũngĩ ingĩkaĩra,kana ndĩmũrutĩre magongona
Ndirĩ ũngĩ ũngĩigua kĩrĩro gĩakwa, andangĩre ndigathinĩkane
Ndũkanakĩhingĩre matũ,atĩ wage kũnjigua
Ngai wama nowe wiki ngoro ĩno yakwa ĩcũthĩrĩirie