Ngai mũnene Ngai wa Isiraeli,
Wee ũthamakaga thĩ yothe handũ yarũma,
Nĩniĩ mũndũ wa nja ũrĩa wĩrĩga haha,
Ngĩoyoyana iromo ngĩgũthaithaga mũno,
Rĩrĩa ndageretie mothe makĩremaga,
Ũgĩũka ũkĩnjarĩria rĩũa rĩa wega,

Ngũkũgooca nĩ tondũ nĩũnjiguĩte,
Ndũrũhe o ta gĩcaũ ndĩ mbere yaku,
Wendo waku harĩ niĩ ndũhithĩkĩte,
Wĩyumĩrĩtie ta ngwacĩ rĩrĩa yakũra,
Kana ta kũritũha kũrĩa kwa mũtumia,
Ihinda rĩa kinya no nginya gũte nguo.

Shaitani ahehagĩrĩra akandirikania,
Kwanyu gũtirĩ mũndũ ũũrĩ waikara weega,
Tarora wone andũ a kwanyu matingĩteithĩka,
Kwanyu gũtirĩ wanona gĩa kũrĩa na gũtigia,
Ngaririkana ũria Ngai erire Isiraeli,
Atĩ nĩakeheria icooki ciande-inĩ ciao.

Ngũkũgooca nĩ tondũ nĩũnjiguĩte,
Ndũrũhe o ta gĩcaũ ndĩ mbere yaku,
Wendo waku harĩ niĩ ndũhithĩkĩte,
Wĩyumĩrĩtie ta ngwacĩ rĩrĩa yakũra,
Kana ta kũritũha kũrĩa kwa mũtumia,
Ihinda rĩa kinya no nginya gũte nguo.