Jesũ rĩmwe arĩrĩirwo nĩ mũndũ wetagwo Jairo
Akĩmwĩra nĩtũthiĩ ũkandiũkĩrie mwĩhoko
Me njĩra-inĩ magĩthiĩ, hakĩgĩa na mũtumia
Watũire na mũrimũ warĩ wa thoni mũno
Akĩamba kũrũgamia thabarĩ gũthiĩ kwa Jairo
Agĩtiga amwehereria thoni cia mĩaka mĩingĩ

Ambĩrĩria naniĩ,Jesũ ambia tu gwakwa
Ũndiũkĩrie maũndũ ũũhe kĩrathimo kĩerũ
Ambĩrĩria naniĩ,Jesũ ambia tu gwakwa
Ũndiũkĩrie maũndũ ũũhe kĩrathimo kĩerũ

Erekeire Galili, o mĩhang’o ya kũhunjia
Akĩingĩra itũũra rĩmwe rĩetagwo Dekapoli
Kĩrĩndĩ rĩrĩa kĩamuonire,
Gĩkĩmũrehera mũndũ ũtaiguaga na kwaria, amũigĩrĩre guoko
Akĩamba gũtiga mĩhang’o ya kĩhunjio Dekapoli
Akĩhonia mũndũ ũcio akĩinũka akĩaragia.

Ambĩrĩria naniĩ,Jesũ ambia tu gwakwa
Ũndiũkĩrie maũndũ ũũhe kĩrathimo kĩerũ
Ambĩrĩria naniĩ,Jesũ ambia tu gwakwa
Ũndiũkĩrie maũndũ ũũhe kĩrathimo kĩerũ

Ahĩtũkĩire Jeriko,mĩhang’o-inĩ o ya kũhunjia
Agĩcemania na mũndũ igũrũ rĩa mũkũyũ
Akĩmwĩra Zakayo harũrũka narua
Nĩ tondũ ũmũthĩ no nginya nangithie magũrũ gwaku
Hau na hau ũhonokio ũkĩingĩra gwa Zakayo
Agĩtiga acenjerio rĩtwa ona mũikarĩre

Ambĩrĩria naniĩ,Jesũ ambia tu gwakwa
Ũndiũkĩrie maũndũ ũũhe kĩrathimo kĩerũ
Ambĩrĩria naniĩ,Jesũ ambia tu gwakwa
Ũndiũkĩrie maũndũ ũũhe kĩrathimo kĩerũ

Ĩĩ githĩ guoko gwaku kwa ũrĩo ndũnyitĩte ũtonga
Kwa ũmotho nĩ ũraihu wa matukũ na gĩtĩyo
Ndigũkũhe kĩhurũko nginya ũtiire itũũra rĩakwa
He kĩrĩa niĩ bataire rĩu ndĩna wũigũ ũyũ
Ndathima na ndathimi,cigũtũma ũgocwo mũno
Arĩa ũtuĩte gwĩka wega njĩkĩra ithabu-inĩ rĩu Jesũũũ

Ambĩrĩria naniĩ,Jesũ ambia tu gwakwa
Ũndiũkĩrie maũndũ ũũhe kĩrathimo kĩerũ
Ambĩrĩria naniĩ,Jesũ ambia tu gwakwa
Ũndiũkĩrie maũndũ ũũhe kĩrathimo kĩerũ

Ambĩrĩria naniĩ,Jesũ ambia tu gwakwa
Ũndiũkĩrie maũndũ ũũhe kĩrathimo kĩerũ
Ambĩrĩria naniĩ,Jesũ ambia tu gwakwa
Ũndiũkĩrie maũndũ ũũhe kĩrathimo kĩerũ