SHIRO ANN FT. PHYLLIS MBUTHIA – WIWAGUTIYO LYRICS

Wĩwagũtĩyo na gwĩkĩrĩrwo mũno Ngai,
We wũiguaga mahoya na ũgacokia,
Mahonokania maku nĩ maingĩ mũno Ngai,
Nĩ ũnjĩkĩte wega ĩĩ,
Ngoro ĩno yakwa ĩgũtũũra icokagia ngatho.

Kĩrĩa ndĩnakĩo ũmũthĩ gĩthĩ tiwe ũhete,
Kĩrĩa ndĩaga nganyua ona ningĩ ngehumba,
harĩa ndĩĩtwo ũmũthĩ nĩwe ũndĩithĩtie,
Riri ndĩnaguo ũmũthĩ nĩwe ũhumbĩte,
Ũũĩ riumagarĩro na ihũndũkĩro rĩakwa,
Na gũtirĩ hĩndĩ ũrekaga nyone ũũru,
We wĩ Ngai wa ma ĩĩĩ,
Ngoro ĩno yakwa ĩgũtũũra ĩcokagia ngatho.

Wĩwagũtĩyo na gwĩkĩrĩrwo mũno Ngai,
We wũiguaga mahoya na ũgacokia,
Mahonokania maku nĩ maingĩ mũno Ngai,
Nĩ ũnjĩkĩte wega ĩĩ,
Ngoro ĩno yakwa ĩgũtũra icokagia ngatho.

Ũthikagĩrĩria ngĩthugundĩrwo ũũru,
Ũkarũa na ũkahotana itekũmenya,
Wonaga rĩrĩa ndĩrenjerwo irima iriku,
Ũkahiuha ũgathika ndikae kũgwa ho,
Wũiguaga kayũ gakwa rĩrĩa ngũrĩra,
Rĩrĩa ngoro ĩno yakwa ĩgeretio na mwaki
Ũkahiũha ũkandeithia ĩĩ,
Ũgatiga ngĩina rwĩmbo rwa gũgũkũngũiya.

Wĩwagũtĩyo na gwĩkĩrĩrwo mũno Ngai,
We wũiguaga mahoya na ũgacokia,
Mahonokania maku nĩ maingĩ mũno Ngai,
Nĩ ũnjĩkĩte wega ĩĩ,
Ngoro ĩno yakwa ĩgũtũũra icokagia ngatho.

Ũroraga mũkinyũkĩrie wa magũrũ makwa,
Matikae kũndwarithĩrĩria ũũru-inĩ,
Naguo mũrutĩre wĩra wa ciĩga ciakwa,
ũtigagĩrĩra ati nĩũthiĩte oro wega,
Ndakwĩhokire Ngai nawe ũkĩhokeka,
Na nginyagia rĩu tũtwaranite wega,
Ndikagĩa na Ngai ĩngĩ ĩĩ,
Tondũ twĩ nawe nĩtũtwaranĩte wega.

Wĩwagũtĩyo na gwĩkĩrĩrwo mũno Ngai,
We wũiguaga mahoya na ũgacokia,
Mahonokania maku nĩ maingĩ mũno Ngai,
Nĩ ũnjĩkĩte wega ĩĩ
Ngoro ĩno yakwa ĩgũtũũra icokagia ngatho.

Rĩu kanua gakwa no gacokirie ngatho,
Tondũ kwaria ma nĩũndutĩte haraya,
Kũndũ thĩna wanjakanĩire ota mwaki,
Kũndũ ndanyararĩtwo hatarĩ gĩtũmi,
Ndageragia kũrora rũciũ rwakwa ngaaga,
no nĩndamenyaga matu-inĩ kũrĩ Ngai,
Ũgiuka ũkĩhonokia ĩĩ,
Ngoro ĩno yakwa ĩgũtũra ĩcokagia ngatho.

Wĩwagũtĩyo na gwĩkĩrĩrwo mũno Ngai,
We wũiguaga mahoya na ũgacokia,
Mahonokania maku nĩ maingĩ mũno Ngai,
Nĩ ũnjĩkĩte wega ĩĩ
Ngoro ĩno yakwa ĩgũtũũra icokagia ngatho.

Wĩwagũtĩyo na gwĩkĩrĩrwo mũno Ngai,
We wũiguaga mahoya na ũgacokia,
Mahonokania maku nĩ maingĩ mũno Ngai,
Nĩ ũnjĩkĩte wega ĩĩ
Ngoro ĩno yakwa ĩgũtũũra icokagia ngatho.