Muigai wa Njoroge – Wendo Uria Lyrics

Njiguaga andũ makiuga wendo nĩ ũrimũ
Nao arĩa angĩ makoiga nĩ mũtumumu
Na ndũmenyekaga ũgĩũka
Nanĩguo ona Suleimani nĩarigirwo
Kĩeha gĩakwa ti kũrĩa wendo umaga
Ta kũrĩa ũcokaga gũthiĩ

Wendo ũrĩa wagucagucagĩrĩria mũndũ
Ũgatũmaga orie kũrĩtuka rĩ ainũke kaba akerekie gĩtĩ-inĩ
Gwathiire atĩa wendo ũcio ũkĩnyihanyiha
Na hinya ũrĩa ũmbũkagia ndege nĩguo ũmĩtũragia rĩera-inĩ

Ndũrĩ wona mwago ta andũ makĩendana
Ihinda rĩrĩa metaga rĩa good time ngoro ciao ikĩhocanio
Riũa rĩtiathũaga mũtonanĩte,
Na mĩhĩtwa ya ũrĩa mũtagatigana
Wendo ũcokaga gũthiĩ kũ?

Wendo ũrĩa wagucagucagĩrĩria mũndũ
Ũgatũmaga orie kũrĩtuka rĩ ainũke kaba akerekie gĩtĩ-inĩ
Gwathiire atĩa wendo ũcio ũkĩnyihanyiha
Na hinya ũrĩa ũmbũkagia ndege nĩguo ũmĩtũragia rĩera-inĩ

Wendo wĩ hinya nĩũtũmaga mũndũ ehĩte
Akera ũrĩa ũngĩ nĩtũgũtũrania nawe gwĩ thĩna kana gĩkeno
Kuuma ũmũthĩ thĩna waku nĩguo wakwa
No kanua karĩa keraga mũndũ karibu noko kamwĩraga toka

Wendo ũrĩa wagucagucagĩrĩria mũndũ
Ũgatũmaga orie kũrĩtuka rĩ ainũke kaba akerekie gĩtĩ-inĩ
Gwathiire atĩa wendo ũcio ũkĩnyihanyiha
Na hinya ũrĩa ũmbũkagia ndege nĩguo ũmĩtũragia rĩera-inĩ

Wee nĩwĩyũragia kĩrĩa gĩtũmaga
Mũndũrũme aikarĩra gĩtĩ kĩrabu agokĩrĩria gũgĩkĩa
Ũngĩ onaga kwanjia gũtuka akamaka
Aingĩra ngari ya kwao akahoya ĩthũke ndagakinye mũciĩ tene

Wendo ũrĩa wagucagucagĩrĩria mũndũ
Ũgatũmaga orie kũrĩtuka rĩ ainũke kaba akerekie gĩtĩ-inĩ
Gwathiire atĩa wendo ũcio ũkĩnyihanyiha
Na hinya ũrĩa ũmbũkagia ndege nĩguo ũmĩtũragia rĩera-inĩ

O mũndũ nĩarĩ kĩrĩa kĩamũgucĩrĩirie
Harĩa ũrĩa ũngĩ na akĩmwĩra nĩndagũtua gĩkeno kĩa ngoro yakwa
Mbere ya kũnogio nĩniĩ na ũndige
Njĩra tu kana nĩ kĩrĩa gĩakũgucĩrĩirie harĩ niĩ ndeheririe

Wendo ũrĩa wagucagucagĩrĩria mũndũ
Ũgatũmaga orie kũrĩtuka rĩ ainũke kaba akerekie gĩtĩ-inĩ
Gwathiire atĩa wendo ũcio ũkĩnyihanyiha
Na hinya ũrĩa ũmbũkagia ndege nĩguo ũmĩtũragia rĩera-inĩ

Gũtigana kwĩ ruo kũrĩ kũregwo
Kaba mũndũ akũrege kũrĩ agũtige rĩrĩa mũmenyeranire
Irema icio itũmaga mũndũ enyarare
Agathũũra kũhika na kũhikania akoina watho wa Ngai

Wendo ũrĩa wagucagucagĩrĩria mũndũ
Ũgatũmaga orie kũrĩtuka rĩ ainũke kaba akerekie gĩtĩ-inĩ
Gwathiire atĩa wendo ũcio ũkĩnyihanyiha
Na hinya ũrĩa ũmbũkagia ndege nĩguo ũmĩtũragia rĩera-inĩ

Ngai tondũ nĩwe kĩhumo kĩa wendo
Tuĩka mũthingi wa andũ arĩa mahikanĩtie na ũtũrie mĩhĩtwa yao
Ngai tondũ onawe nĩũthũire ndigano
Tũnyitĩre shaitani wa kũmboana ũmũkindĩre irima iriku.

Wendo ũrĩa wagucagucagĩrĩria mũndũ
Ũgatũmaga orie kũrĩtuka rĩ ainũke kaba akerekie gĩtĩ-inĩ
Gwathiire atĩa wendo ũcio ũkĩnyihanyiha
Na hinya ũrĩa ũmbũkagia ndege nĩguo ũmĩtũragia rĩera-inĩ

Wendo ũrĩa wagucagucagĩrĩria mũndũ
Ũgatũmaga orie kũrĩtuka rĩ ainũke kaba akerekie gĩtĩ-inĩ
Gwathiire atĩa wendo ũcio ũkĩnyihanyiha
Na hinya ũrĩa ũmbũkagia ndege nĩguo ũmĩtũragia rĩera-inĩ