Sammy Ndia ft Shiro Ann – Undu Uria Mukahoya Lyrics

Ngũigua mũgambo wa mũndũ ũkwanĩrĩra ũkoiga
Thondekai njĩra ya Jehovah Ngai o kũu werũ-inĩ
Araganĩriai Ngai njĩra ya gĩtwari rũng’ũrĩ-inĩ
Na ningĩ mwaraganie ithũngũri na irĩma
Ũguo nĩkuuga mũthagathage ngoro cianyu
Nĩamu nguona Jesũ mũrũ wa Ngai akirie gũcooka

Naguo ũndũ ũrĩa mũkahoya na rĩtwa rĩakwa nĩngaũhingia
Nĩguo rĩtwa rĩa Baba rĩgocagwo kũgerera mũriũ

We okire ahonokie thĩ-ino ti amĩtuĩre, kĩmwendei
Nĩ mũthamaki wa thayũ Jehovah Shalom
Mwĩtĩkiei hamwe na mawĩko make, marĩa ekire
Amu arĩ thĩiniĩ wanyu mũrĩ kĩndũ kĩmwe
Igai mathani make nĩguo mũhote gwĩka maũndũ manene
Gũkĩra marĩa ekire mũhuro wa riũa

Naguo ũndũ ũrĩa mũkahoya na rĩtwa rĩakwa nĩngaũhingia
Nĩguo rĩtwa rĩa Baba rĩgocagwo kũgerera mũriũ

Gũtirĩ ũkoona ithe atagerete harĩ mũriũ,mũmenye ũgũo
Mũmenyerere ngoro cianyu itigathũngũthio
Jesu nĩwe njĩra muoyo na ũhoro ũria wa ma, mũmenye ũgũo
Ũmenyete mũriũ nĩ ũmenyete ithe
Ũguo nĩkuuga mũndũ ũrĩa wothe ũmwĩhokete
Ndarĩ hĩndĩ akoora
No nĩ akegwatĩra muoyo tene na tene

Naguo ũndũ ũrĩa mũkahoya na rĩtwa rĩakwa nĩngaũhingia
Nĩguo rĩtwa rĩa Baba rĩgocagwo kũgerera mũriũ

Kuona ndatũtigire ta ciana cia ngoriai
Acooka kũrĩ ithe atũheire roho mũtheru,atũikaragie
Tũmũnengere mĩrigo yothe atũkuĩre,tũkĩhũthĩrwoo
Tũhote gũthiĩ rũgendo rwa thĩ-ĩno
Nĩegũtũhũnia ona ningĩ atũnyotore
Hatarĩ ngarama,
Owe mũrĩithi mwega kĩhingo kĩa rũũru

Naguo ũndũ ũrĩa mũkahoya na rĩtwa rĩakwa nĩngaũhingia
Nĩguo rĩtwa rĩa Baba rĩgocagwo kũgerera mũriũ

Naguo ũndũ ũrĩa mũkahoya na rĩtwa rĩakwa nĩngaũhingia
Nĩguo rĩtwa rĩa Baba rĩgocagwo kũgerera mũriũ