Mwathani wakwa thĩ-ĩno no ta werũ-inĩ
Ngaragu na nyota nĩ mũingĩ ma,
Nĩgwĩrirĩire na nyota mũnene ma.

Ndũire na kĩeha nĩ ũndũ wa wĩra waku,
Ndaririkana ngendo cia thĩ ĩno.
Ndungata ciakũ itũraga na mĩnoga,

Mwathani wakwa baba ta ririkana
Mũthenya warĩ wa mbara nene,
Ndwatiganĩirie ndungata na maithoni.

Nĩnjũĩ wega thũ ciakwa ona ciangĩha
Kĩeha na ihorũ ciandigicĩria
Gũoko-inĩ gwakũ ndĩna kĩrĩgĩrĩro.

Nĩ ngũgũthaitha baba ũmenyerere
Rũgendo-inĩ rwakwa ndikanoge,
Nowe mwĩhoko rĩrĩa ndĩna magerio.

Nowe mwĩhoko rĩrĩra ndĩna gĩkeno
Ndeithia ndikae kũriganĩrũo
Wĩ mwĩhokeku mũteithia wa arĩa atherũ.

Wĩra-inĩ wakũ ndeithia nganahotana
Mũthenya wakinya wa Mwathani,
Ngekĩrwo thũmbĩ hamwe na andũ arĩa atherũ.