Mũrũ wa Ngai oigire andũ arĩa
A mũhĩrĩga wake
Nĩ arĩa maiguĩte watho wa Ithe
Makaũrũmĩrĩra

Ndamũthaitha mũkirĩrĩrie
Andu a Ngai mwendane
Mũiyũrĩtwo nĩ ũiguano
Wa Roho Mũtheru

Roho Mũtheru amũciarire
Mũtuĩke a Ithe ũmwe
Na a mũtuĩke a nyina ũmwe
Na a mũhĩrĩga ũmwe

Thiagai mũiyũirwo nĩ tha
Mũkĩmenyagĩrĩra
Maathani ma Jehova Ngai
Nĩmo muoyo wanyu

Gĩai thayũ mwĩrĩgĩrĩire
Muoyo ũrĩa ũtagathira
Na gĩkeno kĩrĩa mũigĩirwo
Mũciĩ wa matu-inĩ

Ngai eranĩire muoyo wa ma
Nĩguo kĩheo gĩake
Kĩrĩa gĩkaheo arĩa atheru
Muciĩ matu-inĩ.

Roho mũtheru atonya ngoro
Ahehenjaga ciĩga
Agatharia nyũmba ya tene
Agaka ĩngĩ njerũ