Hihi gwatuka niĩ ndore nakũ
Na kũrĩa ingĩta mũciĩ ti gũkene
Nyingĩraga ngambũranio irema
Cia ngoro ndathecetwo nĩ mwendwa

Agathegetha ngoro ta kware
Kwĩira gũgatuĩka ta igai
Ndarĩ mũihũru ngĩtigwo nuthu
Ĩyo ĩngĩ ĩkĩihũrio na kiugo kwĩmena

No rĩrĩa ngona ũngĩhonia ngoro
Ngamũiyũkia na ndĩmũhĩmbĩrie
Ndĩmutue wakwa tene na tene
Ndĩmũthuthagĩre ota kana kanini

Carol ndamwendete niĩ ngeninĩra
Ndiekaga ithabu rĩakwa atarĩ ho
Ngeimaga nĩguo we ahingie make
No ĩndĩ akĩngũtha igũtha rĩa kĩũrago

Ciũria nyingĩ ciihũraga mũtwe
Nĩ atĩa itekire nĩguo nyonio ruo
Nĩ mũhuko kana hihi nĩ hinya
Itaarĩ wa gũtũma akindĩrie

No rĩrĩa ngona ũngĩhonia ngoro
Ngamũiyũkia na ndĩmũhĩmbĩrie
Ndĩmutue wakwa tene na tene
Ndĩmũthuthagĩre ota kana kanini

Ambĩrĩirie gũkira ta bubu
No nĩndonaga agĩthekia thimũ
Ndoria gĩtũmi ngerwo hatirĩ
No ngoro ĩkanjĩra hari ũndũ mũhithee

Mũthĩ wakĩire ta ndukũ iria ingĩ
Njihũire gĩkeno ngĩmũita beibe
Akĩhũgũka na akĩheherera
Njohora De pira niĩ ndirĩ ndakwenda

No rĩrĩa ngona ũngĩhonia ngoro
Ngamũiyũkia na ndĩmũhĩmbĩrie
Ndĩmutue wakwa tene na tene
Ndĩmũthuthagĩre ota kana kanini

Narĩkorwo akirire na agĩthiĩ
Tuonana nongĩ ndingĩgathangania
Ndĩ mbere ya arũme makĩaria cia rũciũ
Ndingĩiguaga ngoro te kũinama

Hihi nĩngona rũbaru rwakwa
Aninĩre ruo ũnyamũ ũnyume
Ahande mwĩhoko nyambie kuona rũciũ
Ndaranĩrio hamwe na itonga cia ngoro

No rĩrĩa ngona ũngĩhonia ngoro
Ngamũiyũkia na ndĩmũhĩmbĩrie
Ndĩmutue wakwa tene na tene
Ndĩmũthuthagĩre ota kana kanini