Mwalimu M N Martin – Ngemi ciumaga na Mũciĩ

Ngemii, ngemii, ngemi ciumaga nakũ?
Wegaa, wega, wega umaga nakũ?

Ngemi ciumaga nakũ wee?
Ngemi ciumaga na mũciĩ, wega umaga na mũciĩ
Ngemi ciumaga nakũ maitũ?
Ngemi ciumaga na mũciĩ, wega umaga na mũciĩ

Mũciĩ nĩguo gĩtugĩ,
Gĩakaga kanitha
Na gĩgaka bũrũri, (ngemi ciumaga na mũciĩ)
Nĩguo mũthingi wa thĩ ,
Ngai athondekire
Omba Adamu na Awa

Ngemi ciumaga nakũ ĩĩ?
Ngemi ciumaga na mũciĩ, wega umaga na mũciĩ
Ngemi ciumaga nakũ maitũ?
Ngemi ciumaga na mũciĩ, wega umaga na muciĩ

Aciari wĩra wanyu
Ũrĩa mwĩhokeirwo
Wakũmba na gwaka thĩĩ, (ngemi ciumaga na mũciĩ)
Ũrutei na kĩo
Mĩciĩ iitũ ĩkũre,
Ĩĩ moko-inĩ ma Kristo

Ngemi ciumaga nakũ wee?
Ngemi ciumaga na mũciĩ, wega umaga na mũciĩ
Ngemi ciumaga nakũ maitũ?
Ngemi ciumaga na mũciĩ, wega umaga na mũciĩ

Mũthuri wĩra waku,
Rora mũtumia
Na ciana ciaku wega (ngemi ciumaga na mũciĩ)
Mahũnie na ũmahumbe,
Mone hagũkoma, na maikarage na thayũ

Ngemi ciumaga nakũ wee?
Ngemi ciumaga na mũciĩ, wega umaga na mũciĩ
Ngemi ciumaga nakũ maitũ?
Ngemi ciumaga na mũciĩ, wega umaga na mũciĩ

Mũtumia mũkristo,
Kĩheo kĩa goro
Waheirwo kĩa ũnyina, (ngemi ciumaga na mũciĩ),
Thakaria mũciĩ waku,
Na riri wa kristo,
Ũrĩmagĩre wendo

Ngemi ciumaga nakũ wee?
Ngemi ciumaga na mũciĩ, wega umaga na mũciĩ
Ngemi ciumaga nakũ maitũ?
Ngemi ciumaga na mũciĩ, wega umaga na mũciĩ

Ciana ona inyuĩ mũrĩ oho,
Maciaro ma wendo
Na wega wa aciari anyu, (ngemi ciumaga na mũciĩ
Tungatĩrai aciari,
Na mũmatĩage
Mwĩongerere mũthithũ

Ngemi ciumaga nakũ wee?
Ngemi ciumaga na mũciĩ, wega umaga na mũciĩ
Ngemi ciumaga nakũ maitũ?
Ngemi ciumaga na mũciĩ, wega umaga na mũciĩ

Gwaka mũciĩ ũrĩa mwega
Mũciĩ wa Wendani
Na mũciĩ wĩna thayũ, (ngemi ciumaga na mũciĩ)
Ti ũtonga wa gũkũ thĩ
Na nĩ gwĩtĩkĩra
Kristo athane mũciĩ ũcio

Ngemi ciumaga nakũ wee?
Ngemi ciumaga na mũciĩ, wega umaga na mũciĩ
Ngemi ciumaga nakũ maitũ?
Ngemi ciumaga na mũciĩ, wega umaga na mũciĩ

Kristo gĩũke mĩciĩ ĩyo,
Ya ndungata ciaku
Na arĩa magwĩtegeire, (ngemi ciumaga na mũciĩ)
Nĩ ta mũciĩ mũtheru,
Mũciĩ wa Maria,
Gũikarage na thayũ

Ngemi ciumaga nakũ wee?
Ngemi ciumaga na mũciĩ, wega umaga na mũciĩ
Ngemi ciumaga nakũ maitũ?
Ngemi ciumaga na mũciĩ, wega umaga na mũciĩ

Ng’aragu na mathĩna,
Ciamũhinyĩrĩria,
Tũtigate mwĩhoko, (ngemi ciumaga na mũciĩ)
Tondũ twĩna ũmwe witũ,
Ũtangĩtũtiga,
Jesu Mũrĩithi witũ

Ngemi ciumaga nakũ wee?
Ngemi ciumaga na mũciĩ, wega umaga na mũciĩ
Ngemi ciumaga nakũ maitũ?
Ngemi ciumaga na mũciĩ, wega umaga na mũciĩ