Nĩkũrĩ na andũ marĩraga ĩ
Kĩrĩro gĩtarĩ mũthia
Moragia Baba nĩ nginya rĩ
Tũkũrĩra na tũtione ũteithio

Nĩkũrĩ na andũ marĩraga ĩ
Kĩrĩro gĩtarĩ mũthia
Moragia Baba nĩ nginya rĩ
Tũkũrĩra na tũtione ũteithio

Ngũmwĩra nĩkũigua ndĩraigua ĩ
Mũgambo mũnene woima igũrũ
Ũroiga gĩikaro kĩa Baba ĩ
Rĩu kĩrĩ hamwe na andũ aake

Takĩone ĩno ndungata yaku ĩ
Wee mwene wũitĩrĩirie maguta
No mbaara nĩ icacire mũno ĩ
Ũhoro wayo naguo nĩ atĩa?

Tamwĩre niĩ no ndĩrona ĩ
Mũguĩ ũrathecete ngoro yake
No rĩu ndekũrĩra rĩngĩ ĩĩ
Nĩngũmũhe andũ a ngoro yakee

Ngũmwĩra nĩkũigua ndĩraigua ĩ
Mũgambo mũnene woima igũrũ
Ũroiga gĩikaro kĩa Baba ĩ
Rĩu kĩrĩ hamwe na andũ aake

Ũyũ nĩ mũtumia wa ndigwa ĩ
Ndarĩ hĩndĩ atakũrĩragĩra
Maithori no ta igai riake ĩ
Ũhoro wake naguo nĩ atĩa?

Tamwĩre atige kũrĩra ĩ
Nomwĩre egirie maithori
Mũthenya ũrĩ o mũromo-inĩ ĩĩ
Niniĩ mwene ndĩrooka kũrĩhĩria

Ngũmwĩra nĩkũigua ndĩraigua ĩ
Mũgambo mũnene woima igũrũ
Ũroiga gĩikaro kĩa Baba ĩ
Rĩu kĩrĩ hamwe na andũ aake