Joseph Kamaru – Miti ya Gikuyu Pt 1 Lyrics

Gĩkũyũ na Mũmbi ndĩmwĩre ti kũina tũkũina,
Nĩ mĩtugo iitũ ĩĩ ũrenda gũcokanĩrĩria,
Ndĩroririe Mbooi mũtĩ ũrĩa ũciaraga ndũũma,
Kaana karanjĩra nĩ thaburia na kitchen ya ithe.

Thoni

Nĩmwekire wega Rũgwĩti, DK na Ndũrũ,
Ndicũ wa Gakunga na Kĩratũ tũthomithie ciana,
Nĩũndũ wa kũmwĩta na mũgĩũka tũthomithie njiarwa,
Mĩtugo yateirũo ĩkwenda mũndũ ũrĩ karo koogĩ.

Ndicũ wa Gakunga kĩrũgame tũcoke maganjo,
Na ndikwenda ũhaate nja ĩhaatĩtwo nĩ Mũrũ wa Ngũbiũ,
Ta twĩre marĩtwa ma irio iria cienjagwo tĩĩri-inĩ,
Na ũtwĩre marĩtwa ma mĩtĩ ĩyo mũhandĩre wayo.

Twĩre

Ndigũkũhutĩtie wa Gakunga nĩ kanua ndahiũkia,
Twĩre mũhukũra na mũcege kana nĩ irĩ ũcuke,
Naguo mũringono na mũrembu twĩre bata wayo,
Na ũtwĩre mũtĩ ũrĩa warĩ igweta nĩ kũraaria mwaki.

Ĩĩ tondũ nĩkwarĩ

Ĩno nĩ korenji ya mĩtugo mũndũ anoore ũrĩa ũngĩ,
Ndicũ twĩre ihĩndu na ithanjĩ nĩ cia nyina na ũũ,
Ũgĩcoke ũtwĩre mũgio, mũkũngũgũ na ndĩĩ,
Mũng’ei, mũtongu o mũtĩ twĩre wega waguo.

Ndakũnogia uuge wa Gakunga, Kĩratũ DK,
Na Ndũrũ wa Ng’ang’a marĩ o haha metereire ũhũme,
Itanakũiga thĩ Ndicũ twĩre mĩtĩ ya mĩhaka,
Na mĩtĩ ĩtaarĩagwo nĩ mahiũ ona kana mũndũ.

Ndicũ wa Gakunga tũkĩrĩkia ngwenda wĩre ciana,
Mũhethũ na mũhũ na mũkoigo twĩre bata wayo,
Mĩtĩ ĩyo yothe twagweta tũthererie wega,
Mũhandĩre wayo ona kũrĩa ciana mangĩmĩona.

Ndakũnogia uuge wa Gakunga, Kĩratũ DK
Na Ndũrũ wa Ng’ang’a marĩ o haha metereire ũhũme
Itanakũiga thĩ Ndicũ twĩre mĩtĩ ya mĩhaka
Na mĩtĩ ĩtaarĩagwo nĩ mahiũ ona kana mũndũ.

Twĩre

Ĩyo nĩ mĩtĩ ya Gĩkũyũ namba igĩrĩ,
Mĩtĩ ya Gĩkũyũ namba igĩrĩ,
Yakĩriganĩire.