[1]
Mwathani wakwa njakanĩria tawa
Nyumĩtwo thutha nĩ nduma nene
Mbere ciĩruru ihana mahiga
Kũrĩa thũ cĩakwa injetereire

Nĩ ndakuhoya ũrekĩe mũraika
Ngikinya kũu ngore makomete
Ngoro-inĩ yakwa njage ihorũ.

[2]
Nyũmba ĩno yaku wakire na thĩna
Urigicĩiruo nĩ oragani
Nawe wakire ũgwete kĩhoto
Waragia kiugo gĩkahotana
Nĩ warũire mbaara yarĩ hinya
Athamaki athĩ magĩgwĩtigĩra
Ona kwa ngoma ũgĩtigĩrũo.

[3]
Gũtirĩ ũcamba ũkĩrĩte waku
Gũtirĩ ũrũme ũkĩrĩte waku
Njagĩte gũoya nĩkũmenya wega
Nĩ nũmĩrĩire njamba ĩrĩ ũrũme
Ona mangĩũka mega kana moru
Nganyita mega ngatoria maũru
Nyũnage maru ngoiga nĩ wega.

[4]
Ndakinya kũu ndakorire aira
Na niĩ ngĩtuĩka o ũmwe mũira
Ndakora athuri ngĩtuĩka mũthuri
Ndakora ciana ngĩtuĩka mwana
Korũo ũndũ ũcio no ũtuĩke nduma
Nĩ njũĩ wega ũcio ti wendo waku
Ucio nĩ wendo wa ũrĩa mũrũ.

[5]
Ndokĩre gwaku ũkĩnyonia mũhaka
Urĩa ũrigĩcĩirie gwaku mũciĩ
Na ũgĩcoka ũkĩnyonia watho
Urĩa ũtũraga nyũmba-inĩ yaku
Nĩguo ndikae kũnyita kaũrũ
Tondũ woigire mwĩki ũru wothe
Ucio nĩ mwana wa ũrĩa mũru.

[6]
Rũgendo rũrũ rwakinya mũthia
Nĩnjũĩ wega ngekana mũno
Maitho makwa nĩmakerorera
Ũrĩa nderirwo nĩ ngeyonera
Irĩkanĩro ciothe nĩikahinga
Cia andũ arĩa athingu mature na thayũ
Ngoro-inĩ ciao ĩhurũkĩte.