Mũndũrĩri thayũ rĩrĩa wanjũrĩra
Abba Baba ngoro yakwa nĩngenu mũno
O rĩrĩa thoni ciakirie kũhumbĩrania
Ũkĩndokera ngĩaũkwo nĩ ruo ruothe

Ũgũtũũra ũrĩ Ngai, Ndũcenjagia
Mũhurĩri maithori maitho magathera
Ingĩgũa ũnjoyaga igũrũ kĩndayaya
Rĩũka rĩaku rĩtihana rĩa mũndũ wa thĩ

Gwakĩire Mordekai akĩririkanwo
Ona atũũrĩte kĩhingo-inĩ nĩwokire
O hĩndĩ ĩria gĩkuũ kĩamũkũrĩire maitho
Wamũrokera Hamani akĩũragwo arĩ we

Ũgũtũũra ũrĩ Ngai, Ndũcenjagia
Mũhurĩri maithori maitho magathera
Ingĩgũa ũnjoyaga igũrũ kĩndayaya
Rĩũka rĩaku rĩtihana rĩa mũndũ wa thĩ

Ndũcenjagia ndũgarũrũkaga na imera
Ndũrĩ waga gũũkĩra mũndũ nĩkuoheka
Ũndĩithagia ũgathondeka ũgathakaria
Nĩthengiũ wooka thayũ nĩũtũhũndũkĩire

Ũgũtũũra ũrĩ Ngai, Ndũcenjagia
Mũhurĩri maithori maitho magathera
Ingĩgũa ũnjoyaga igũrũ kĩndayaya
Rĩũka rĩaku rĩtihana rĩa mũndũ wa thĩ

Nduonaga kĩrĩma kĩraihu mbere yaku
Wũiru wa andũ ma ndũngĩtũma ũtĩĩre gũũka
Kũngĩara ũrugarĩ ndũngĩkũhingĩrĩria
Kũngiura ndũngĩgĩcererwo nĩ gũũka

Ũgũtũũra ũrĩ Ngai, Ndũcenjagia
Mũhurĩri maithori maitho magathera
Ingĩgũa ũnjoyaga igũrũ kĩndayaya
Rĩũka rĩaku rĩtihana rĩa mũndũ wa thĩ

Nĩngwenda nyendwo nĩwe ũndue ũthuuro waku
O wee wĩrathimagĩra ũrĩa wethurĩra
Arĩa marĩ aaku Ngai wee ruo ndũngĩrũra**
Ngoro ciao ndũngĩreka ciũrwo nĩ hinya

Ũgũtũũra ũrĩ Ngai, Ndũcenjagia
Mũhurĩri maithori maitho magathera
Ingĩgũa ũnjoyaga igũrũ kĩndayaya
Rĩũka rĩaku rĩtihana rĩa mũndũ wa thĩ

Ũgũtũũra ũrĩ Ngai, Ndũcenjagia
Mũhurĩri maithori maitho magathera
Ingĩgũa ũnjoyaga igũrũ kĩndayaya
Rĩũka rĩaku rĩtihana rĩa mũndũ wa thĩ