Hia Cia Kigongona Lyrics by Ruth wa Mum

Nĩngwĩnyitĩrĩra hĩa cia kĩgongona,
Kĩihũirwo nĩ tha na ũnene wa Ngai,
Ndĩgiritanie nakĩo o ta Hannah wa tene,
Ndagĩa thĩiniĩ wakĩo kĩgĩe thĩiniĩ wakwa.

Kĩgongona gĩkĩ njĩkĩra ũndũ ũmũthĩ
Menya ũrĩa bataire hũndũke ngenete

Ndũgetĩkĩra ngathigana itũũra
Njoke hũndũke ndĩ moko matheri
Ũkandirikana kwĩrutanĩria gwakwa
Wee mũturiri ũyũ ũkandirikana

Kĩgongona gĩkĩ njĩkĩra ũndũ ũmũthĩ
Menya ũrĩa bataire hũndũke ngenete

Nĩ aingĩ manoka ho mendete ũmateithie,
Kĩrĩro kĩao na gũcaya kũingĩ,
Na maithori mao makĩniara bure,
Hatarĩ ũndũ o na ũmwe ũmarũmbũĩirie.

Kĩgongona gĩkĩ njĩkĩra ũndũ ũmũthĩ,
Menya ũrĩa bataire hũndũke ngenete.

Hĩndĩ ĩrĩa ndokire thĩ ndarehirwo haha,
Ũkĩnyamũkĩra ndĩ mwana mũnini,
Ngĩonio wega wakuo na gũtũũraga kuo,
Ndoora nĩũmenyaga ũndũ ndĩ thĩiniĩ wakĩo.

Kĩgongona gĩkĩ njĩkĩra ũndũ ũmũthĩ,
Menya ũrĩa bataire hũndũke ngenete.

Nawe kĩgongona nĩnjũĩ nĩwaigua,
Nĩnjũĩ nĩwona atĩ nyuma gũũkũ,
Norĩa ndeera Ngai nĩwatuĩka mũira,
Na rĩrĩa akahingia no ngacooka ũmenye.

Kĩgongona gĩkĩ njĩkĩra ũndũ ũmũthĩ,
Menya ũrĩa bataire hũndũke ngenete.

Thĩna ũthiragĩra o kĩgongona-inĩ,
Ruo rũthiragĩra o kĩgongona-inĩ,
Ũkombo ũthiragĩra o kĩgongona-inĩ,
Wega wonekaga o kĩgongona-inĩ.

Kĩgongona gĩkĩ njĩkĩra ũndũ ũmũthĩ,
Menya ũrĩa bataire hũndũke ngenete.

Kĩgongona gĩkĩ njĩkĩra ũndũ ũmũthĩ,
Menya ũrĩa bataire hũndũke ngenete.