Gũtungumanio gũtigwo tĩri-inĩ ũkahakwo gĩcũrũ
Maitho-ĩnĩ ma arũndani monaga tarĩ gĩko ũrahakwo
Matiũĩ tĩri ũrĩa ũhakanaga gĩko noguo ndigiri
ĩgaragaragia ĩgetungumania ĩgokĩra ĩtherete.
O hau ũrĩragĩra noho wũira waku ũrĩ
O hau wĩthikĩire noho thayu waku ũrĩ
Tĩĩri ũria ũthikaga kĩndũ gĩabutha gĩkariganĩra
noguo ũkũragia kĩgwa kĩahimbitwo gĩkanyotorana
Harĩa Hagai arĩragĩra mena mũrũwe nĩ nyota
Gĩthima gĩatũthũkĩire o harĩa augĩte nĩegũte mwana
O harĩa eyũragĩria ndaciarire na Iburahimũ nĩkĩ
O hau noho amuoneire bata wa gũcooka gũkena.
O hau ũrĩragĩra noho wũira waku ũrĩ
O hau wĩthikĩire noho thayu waku ũrĩ
Tĩĩri ũria ũthikaga kĩndũ gĩabutha gĩkariganĩra
noguo ũkũragia kĩgwa kĩahimbitwo gĩkanyotorana
Kũrĩa Jusufu acuhagĩrĩrwo akĩigagĩrĩrwo igenyo
Nokuo aneneheire ithabu rĩa Ngai ma rĩtirĩ itherũ
Anja ya Ngai akoragwo nayo ũkĩgerera werũ-inĩ
Ngai wa Jusufu arokũruta thĩna-inĩ agũtũgĩrie
O hau ũrĩragĩra noho wũira waku ũrĩ
O hau wĩthikĩire noho thayu waku ũrĩ
Tĩĩri ũria ũthikaga kĩndũ gĩabutha gĩkariganĩra
noguo ũkũragia kĩgwa kĩahimbitwo gĩkanyotorana
Ngai nĩ wa imera nyingĩ ndangĩgũtũria riri-inĩ ũmwe
Waciaranĩirwo na thĩna ndũngĩtũũra wĩ mwari rũhĩ
Ndũngĩtũũra ũkombaga kĩmera gĩaku kĩa indo kĩ njĩra
Wagacĩĩra thĩna nĩũkoha mbĩgĩga na ũkweherere.
O hau ũrĩragĩra noho wũira waku ũrĩ
O hau wĩthikĩire noho thayu waku ũrĩ
Tĩĩri ũria ũthikaga kĩndũ gĩabutha gĩkariganĩra
noguo ũkũragia kĩgwa kĩahimbitwo gĩkanyotorana
Gũtirĩ kanua kangĩthũra kũrĩaga na gũtigia
Gũtirĩ ũngĩenda kũhĩtwo nĩ toro arote arĩ na thĩna
Mũgarũrania arogarũranĩria andũ amonie mawega
Maĩngĩhĩrwo nĩ kĩrĩa kĩngĩmacenjeria ũtũũro wao
O hau ũrĩragĩra noho wũira waku ũrĩ
O hau wĩthikĩire noho thayu waku ũrĩ
Tĩĩri ũria ũthikaga kĩndũ gĩabutha gĩkariganĩra
noguo ũkũragia kĩgwa kĩahimbitwo gĩkanyotorana
kikuyu gospelKikuyu LyricsMaggie ShiiOro hau uriragira lyrics
No comment