Ndanerwo nĩ andũ ndirĩ mwega,
Onaniĩ ngona ta itarĩ mwega,
No ndingĩaga kaũndũ kamwe ĩĩ,
Ndekire handũ Ngai agĩkena,
Kaũndũ kangĩtũma ndirikanwo,
Ndahobanĩrio nĩ thĩna,
Kawega kangĩnjarĩrĩria ĩĩ,
Hĩndĩ ya ũũru yakinya.

Ingĩgakorwo thĩna inĩ
Ũnjakanĩire ta mwaki,
Ngai wakwa ũkaririkana ĩĩ,
Kaũndũ kanini ndaneka,
Ndũkanandige thĩna-inĩ,
Ndũkanandige magerio-inĩ,
Ngai wakwa ũkaririkana ĩĩ,
Kaũndu kanini ndaneka.

Ĩkaga wega na wĩthiĩre,
Ũtekwenda kũrĩhwo nĩ andũ,
Wega ũcio waya gũgakũhonokia ĩĩ,
Tabitha ariũkirio nĩ gwĩka wega,
Menya gwĩka wega ti thiirĩ,
Ndũngĩrihio nĩ gwĩka wega,
Ũndũ mwega nĩũririkanagwo ĩĩ,
Tũtuagwo andũ eega nĩ gwĩka wega.

Ingĩgakorwo thĩna-inĩ
Ũnjakanĩire ta mwaki,
Ngai wakwa ũkaririkana ĩĩ,
Kaũndũ kanini ndaneka,
Ndũkanandige thĩna-inĩ,
Ndũkanandige magerio-inĩ,
Ngai wakwa ũkaririkana ĩĩ,
Kaũndu kanini ndaneka.

Nawe ũtũraga wĩkaga andũ ũũru,
Menya ũndũ ũcio nĩũgagũcokerera,
Menya kageri ũgeraga nako ĩĩ,
Menya kũna nĩũkagererwo nako,
Thĩ-ĩno yũmbĩtwo ĩrĩ gĩthiũrũrĩ,
Ũũru ũrĩa wĩkaga ũgathiũrũrũka,
Ũgũkorerere ũteharĩrĩirie ĩĩ,
Ũkũhobanĩrie ta kĩguũ.

Ingĩgakorwo thĩna-inĩ
Ũnjakanĩire ta mwaki,
Ngai wakwa ũkaririkana ĩĩ,
Kaũndũ kanini ndaneka,
Ndũkanandige thĩna-inĩ,
Ndũkanandige magerio-inĩ,
Ngai wakwa ũkaririkana ĩĩ,
Kaũndu kanini ndaneka.

Ciĩko njega ihana ta mwandĩko,
Wandĩkĩtwo na rangi mwega,
Ũrĩa ũtarĩ hĩndĩ ũtharũkaga ĩĩ,
ciĩko njega nĩirĩ mĩri mĩrũmu,
Ona gĩkuũ gĩtingĩhota,
Gũtharia mwandĩko wa ciĩko njega,
Marĩtwa nĩmariganagĩra ĩĩ,
no ciĩko njega itiriganagĩra.

Ingĩgakorwo thĩna-inĩ
Ũnjakanĩire ta mwaki,
Ngai wakwa ũkaririkana ĩĩ,
Kaũndũ kanini ndaneka,
Ndũkanandige thĩna-inĩ,
Ndũkanandige magerio-inĩ,
Ngai wakwa ũkaririkana ĩĩ,
Kaũndu kanini ndaneka.

Ingĩgakorwo thĩna-inĩ
Ũnjakanĩire ta mwaki,
Ngai wakwa ũkaririkana ĩĩ,
Kaũndũ kanini ndaneka,
Ndũkanandige thĩna-inĩ,
Ndũkanandige magerio-inĩ,
Ngai wakwa ũkaririkana ĩĩ,
Kaũndu kanini ndaneka.