Twambanĩrĩirie nawe itanaciarwo
Ikinya gwa ikinya nĩũndirũkithĩtie
Ndionete ũũru ũtugi waku nĩũnjigaine
Ngakĩenda mũno gũtũũra nderebetwo nĩwe

Ihoya rĩakwa Mwaka ũyũ Ngai nĩgũkuona
Kĩambĩrĩria gĩtagatĩ-inĩ nginya kĩrĩkĩro
Ndambia ũndũ o wothe na moko makwa wagĩrĩre
Na ndoimagara gwetha Baba niĩ ngakuona

Ndacokia ngatho nĩkũndua matigari maku
Kũona ti mũtugo gũkoma na gũkĩra thayũ
Naguo ũndũ wothe wambĩtie nĩ ũthiaga wega
Ndagĩkwĩhokera mwaka ũyũ Ngai ndathimĩra

Ihoya rĩakwa Mwaka ũyũ Ngai nĩgũkuona
Kĩambĩrĩria gĩtagatĩ-inĩ nginya kĩrĩkĩro
Ndambia ũndũ o wothe na moko makwa wagĩrĩre
Na ndoimagara gwetha Baba niĩ ngakuona

Hotomeria roho wothe wa mĩrimũ
Gikuũ na mitino ya mĩthemba yothe
Ndirũ na gĩconoko itikũnyuma thutha
Nacio thũ ciakwa itikuona maithori makwa

Ihoya rĩakwa Mwaka ũyũ Ngai nĩgũkuona
Kĩambĩrĩria gĩtagatĩ-inĩ nginya kĩrĩkĩro
Ndambia ũndũ o wothe na moko makwa wagĩrĩre
Na ndoimagara gwetha Baba niĩ ngakuona

Ndarathĩra mwaka ũyũ ndoiga nĩ wa irathimo
Mĩbango yothe bangĩte nĩĩgũkinyanĩra
Thayũ na ũgima wa mwĩrĩ ituĩke igai rĩakwa
Kanua gakwa karahage o mawĩko maku

Ihoya rĩakwa Mwaka ũyũ Ngai nĩgũkuona
Kĩambĩrĩria gĩtagatĩ-inĩ nginya kĩrĩkĩro
Ndambia ũndũ o wothe na moko makwa wagĩrĩre
Na ndoimagara gwetha Baba niĩ ngakuona

Ndakũhe ngoro yakwa ĩtuĩke gĩtũũro gĩaku
Ũtukũ na mũthenya tũtikanatigane
Nĩwe riumagarĩro na ihũndũkĩro rĩakwa
Ndingĩona ũũru wĩ tawa wa magũrũ makwa

Ihoya rĩakwa Mwaka ũyũ Ngai nĩgũkuona
Kĩambĩrĩria gĩtagatĩ-inĩ nginya kĩrĩkĩro
Ndambia ũndũ o wothe na moko makwa wagĩrĩre
Na ndoimagara gwetha Baba niĩ ngakuona

Ihoya rĩakwa Mwaka ũyũ Ngai nĩgũkuona
Kĩambĩrĩria gĩtagatĩ-inĩ nginya kĩrĩkĩro
Ndambia ũndũ o wothe na moko makwa wagĩrĩre
Na ndoimagara gwetha Baba niĩ ngakuona