Kajohnie Kariuki – Mwisho wa Reli Lyrics

Nanyuki Mwisho wa Reli
Nĩndanyitire thimũ yũmĩte Nanyukiĩ
Ĩhũrĩtwo nĩ Njuguna atũmĩtwo nĩ Gacagua
Tũthiĩ tũkamainĩre tondũ matimũĩrĩga
Ngĩra Kĩarie ahe ngita tũkamaaahe ikeno
Ya mũndũ ũmwe ĩthiagĩrwo gũtuka nĩtũthiĩ
Ya mũndũ ũmwe ĩthiagĩrwo gũtuka nĩtũthiĩ

Tũgĩkinya T-Room tũkĩoya cia Nayukiĩ
Tũgĩthiĩra bara njerũ Kabiti kinya Sagana
Twakinya Karatina ngĩigua ndamiss mũciĩ
Twakinya Narumoro tũgĩcukithia mũgima
Nake Kĩarie anjũragie, Kajohnie tũrĩkinya rĩ?
Nake Kĩarie anjũragie, Kajohnie tũrĩkinya rĩ?

Town ya Nanyukiĩ ĩrĩ maũndũ ma magegania
Ũngĩthoma Geography nĩkuo Equator ĩthiĩrĩire
Town ĩrĩ ũrugarĩ ĩrigainie na Mount Kenya
Ũngĩthoma History nĩ town ya mbirarũ
Ageni moimaga rũraya magaceera Nanyukiĩ
Ageni moimaga rũraya magaceera Nanyukiĩ

Twakinya Nanyukiĩ Kĩarie akĩhũrĩra ngita
Kajohnie ngĩmainĩra ngumo ndĩigana mwene
Wathikĩrĩria raiya no mũgithi wa Kajohnie
Julia na Mary nao no maithori maitaga
Makĩũria tũrĩrĩkia rĩ matũcerie Nanyukiĩ
Makĩũria tũrĩrĩkia rĩ matũcerie Nanyukiĩ

Kwarĩkia gũkĩa Kĩarie akĩrorio ya Thingithũ
Mary akĩnjĩra nonginya menye gwake Likiĩ
Airĩtu angĩ kũu no maitho manyunagĩra
Ngĩrigwo ngũthiĩ naũ na nĩguo mathakarire
Mary nĩtũthiĩ Likiĩ nĩwe ũranyitire ũgeni
Mary nĩtũthiĩ Likiĩ nĩwe ũranyitire ũgeni

Ngiuga njũkĩre tũthiĩ ngĩigua ndagũthagũthwo
Ngĩrwo nĩ harĩ mũthuri ũrenda twarie igĩrĩ
Ngĩonererio harĩa arĩ ngiuga mũgambo ndũiragwo
Ndakinya harĩa arĩ ndonire ta arĩ mũmaku
Akĩnjĩra ikara thĩ ũheo cuba ngũgũrĩre
Akĩnjĩra ikara thĩ ũheo cuba ngũgũrĩre

Thutha wa kwarangia akĩnjĩra etagwo Gatheru
Hagĩũka mũthuri ũngĩ Njoroge ithe wa Ciwa
Akĩnjĩra gũkũ nĩ Nanyukiĩ mũico wa reli
Waga gwĩcunga ngũĩre ũgũkinya mũico tayo
Mũgĩ nĩ mũtare ona ikũmbĩ-inĩ no ũrĩre
Mũgĩ nĩ mũtare ona ikũmbĩ-inĩ no ũrĩre

Reli ĩno ya Nanyukiĩ yakagwo mĩaka ya tene
Nĩ ũhĩndĩ kuuma kwao yendagwo ĩkinye Meru
Makinya Nanyukiĩ maisha makĩagĩra mũno
Njohi na ahiki na ikeno mĩthemba ĩkĩingĩha
Nayo map ĩkĩũra reli ĩgĩkinya mũthia
Nayo map ĩkĩũra reli ĩgĩkinya mũthia

Reli ĩno ya Nanyukiĩ yakagwo mĩaka ya tene
Nĩ ũhĩndĩ kuuma kwao yendagwo ĩkinye Meru
Makinya Nanyukiĩ maisha makĩagĩra mũno
Njohi na ahiki na ikeno mĩthemba ĩkĩingĩha
Nayo map ĩkĩũra reli ĩgĩkinya mũthia
Nayo map ĩkĩũra reli ĩgĩkinya mũthia

Gũthiĩ no ngũthiĩ
Ya kũhĩa ĩhĩaga na ma mbere
Gũthiĩ no ngũthiĩ
Ya kũhĩa ĩhĩaga na ma mbere

Mary nĩtũthiĩ Likiĩ nĩwe ũranyitire ũgeni
Mary nĩtũthiĩ Likiĩ nĩwe ũranyitire ũgeni
Kaba ngeyonera gũkĩra ndũre njĩragwo
Nayo map ĩkĩũra reli ĩgĩkinya mũthia
Nayo map ĩkĩũra reli ĩgĩkinya mũthia

Cunga maica gũkũ nĩ Nanyukiĩ mũico wa reli
Cunga maica gũkũ nĩ Nanyukiĩ mũico wa reli
Waga gwĩcunga ngũĩre ũgũkinya mũico tayo
Waga gwĩcunga ngũĩre ũgũkinya mũico tayo

Mũgĩ nĩ mũtaare ona ikũmbĩ-inĩ no ũrĩre
Nayo map ĩkĩũra reli ĩgĩkinya mũthia
Nayo map ĩkĩũra reli ĩgĩkinya mũthia
Nayo map ĩkĩũra reli ĩgĩkinya mũthia