Mami nĩwanjiarire na ũkĩndera,
Nda yaku mĩeri kenda na ndũnoge,
Warĩ na ũhoti wa kũnduta na kũnjikia kĩoro,
Wooi wooii mami witũ ndwekire ũguo,

Ngĩgĩa mwana ndĩ moko-inĩ maku mami,
Arĩ wa rũkenge mami ngĩkũrehera,
Ndwairirio ngoro nĩniĩ ũkĩngirĩrĩria,
Nĩko gaka mami witũ twĩ mbere yaku.

Woooii woooii woooiii woooiii mami witũ,
Woooii woooii woooiii woooii baba witũ,
Tuoka mbere yanyu twĩna kana gaka gakwa,
Korwo twetĩkĩrĩka ndahoya ũrekeri.

Rĩrĩa ngũthoma maandĩko matheru ma Ngai,
Manjĩraga mũrĩ Ngai yakwa ya keerĩ,
Ingĩaga kũmwathĩkĩra niĩ ndĩ kĩndũ hatarĩ
No ta kwaga gwathĩkĩra Ngai e matuini,

Baba nĩnjũĩ nĩ maingĩ ndanakũhĩtĩria,
Mami nĩnjũĩ nĩ maingĩ ndanakũhĩtĩria,
Nĩkĩo ndoka mbere yanyu tũrĩ na kana gakwa
Twĩnyihĩtie mũno dadi tũrekerei

Woooii woooii woooiii woooiii mami witũ,
Woooii woooii woooiii woooii baba witũ,
Tuoka mbere yanyu twĩna kana gaka gakwa,
Korwo twetĩkĩrĩka ndahoya ũrekeri.

Gũkomba wanakomba baba nĩguo thome
Mĩtangĩko wanona nĩguo nginye haha
Nĩ mĩingĩ mũno ndingĩhota gũtarĩria dadi
Ngai akũrathime akuongerere matukũ,

Nĩ maingĩ marĩa wanjĩkĩire ndĩ mũnini
Kũndera na kũnyonereria njĩra ya ũthingu,
Kũhe kĩheo kĩrĩa mũciari angĩkĩhe mwana,
Nĩma dadi wee wĩ Ngai yakwa ya keerĩ

Woooii woooii woooiii woooiii mami witũ,
Woooii woooii woooiii woooii baba witũ,
Tuoka mbere yanyu twĩna kana gaka gakwa,
Korwo twetĩkĩrĩka ndahoya ũrekeri.

Mami ingĩambia kuuga marĩa wee ũtũĩkiire,
Na kana gaka gakwa ndarĩra nginya rũciũ,
Wanyitire njagĩte mwĩhoko mũtũrĩre-inĩ,
Ndoragia gĩkuũ kĩngiuma nakũ kĩmerie,

Wanyonirie ndĩ wa bata ndeyagĩra kĩene,
Thibitarĩ wanakoma kiugo igũrũ rĩakwa,
Nonjage ciugo njiganu mami iria niĩ ingĩkwĩra,
Ingĩka atĩa nandingĩhota gũkũrĩha.

Woooii woooii woooiii woooiii mami witũ,
Woooii woooii woooiii woooii baba witũ,
Tuoka mbere yanyu twĩna kana gaka gakwa,
Korwo twetĩkĩrĩka ndahoya ũrekeri.

Twaturia maru mbere yanyu aciari akwa
Tondũ nĩ harĩ ũndũ tũrĩkĩtie kũmenya,
Korwo twamũhe mbeca na tũmwakĩre manyũmba,
Tũtangĩhoya mũhera mothe nĩ tũhũ,

Ihoya ritũ ũmũthĩ baba na mami,
Mũtũigĩrĩre moko na mũtũrathime,
Mũtũrekere ona ningĩ mũtũkirĩrĩrie,
Ũguo noguo baba na mami tũrahoya.

Woooii woooii woooiii woooiii mami witũ,
Woooii woooii woooiii woooii baba witũ,
Tuoka mbere yanyu twĩna kana gaka gakwa,
Korwo twetĩkĩrĩka ndahoya ũrekeri.

Na mũico mũtũĩtĩkĩrie tuuge nĩ thengiũ,
Gũtirĩ hĩndĩ tũkaiganana nainyuĩ,
Nĩmũĩkaine nĩ Ngai witũ arĩ matuinĩ,
Niĩ ndĩkĩrĩ ũũ njage kũmũhe gĩtĩo,

Ndamũinamĩrĩra mũrĩ Ngai ya keerĩ,
Ndamũtĩĩa mũno mũrĩ Ngai ya keerĩ,
Nĩ thengiũ nĩ thengiũ Ngai witũ amũrathime,
Amũtheremie na amuongerere matukũ

Woooii woooii woooiii woooiii mami witũ,
Woooii woooii woooiii woooii baba witũ,
Tuoka mbere yanyu twĩna kana gaka gakwa,
Korwo twetĩkĩrĩka ndahoya ũrekeri.