Ndathiĩte kĩrĩma-inĩ tu o gwetha Ngai,
Ndĩna nyota wa gũthiĩ gĩkĩro-inĩ kĩngĩ,
Nĩndaiguithĩkaga wega ngoro-inĩ yakwa,
Ngai wakwa harĩ na ũndũ ũngĩ anjigĩire,
Ndakomete nja-inĩ ciake o ta Jakubu,
Akomete handũ hana kũu Harani,
Ngĩigua kamũgambo gaceke kanjarĩria,
Nĩharĩ ũndũ ũngĩ mwerũ ndĩrenda ngwĩkĩre.
Nĩngũkũrathima na kĩrathimo kĩngĩ
Ũtige kũngocagĩra o ũndũ-inĩ ũmwe,
Ũmenye atĩ ndĩ Ngai wa irathimo nyingĩ,
Amu niĩ ndinyihanyihagĩrwo ta mũndũ.
Nĩngũkũrathima na kĩrathimo kĩngĩ
Ũtige kũngocagĩra o ũndũ-inĩ ũmwe,
Ũmenye atĩ ndĩ Ngai wa irathimo nyingĩ,
Amu niĩ ndinyihanyihagĩrwo ta mũndũ.
Mũciari hĩndĩ ĩrĩa ekwĩgaĩra ciana,
Agayaga irathimo ciake akeninĩra,
Tondũ nĩ mũndũ wa thĩ akanyihanyihĩrwo,
No Ngai ndarĩ hĩndĩ anyihanyihagĩrwo,
Isaka arathima Jakubu atigirwo ĩĩ,
Na kĩrathimo kĩmwe akĩhe Esau,
Korwo nĩgwaciarirwo mwana ũngĩ hĩndĩ ĩyo,
Ndarĩ kĩndũ angĩagaire he Isaka.
Nĩngũkũrathima na kĩrathimo kĩngĩ
Ũtige kũngocagĩra o ũndũ-inĩ ũmwe,
Ũmenye atĩ ndĩ Ngai wa irathimo nyingĩ,
Amu niĩ ndinyihanyihagĩrwo ta mũndũ
Nĩngũkũrathima na kĩrathimo kĩngĩ
Ũtige kũngocagĩra o ũndũ-inĩ ũmwe,
Ũmenye atĩ ndĩ Ngai wa irathimo nyingĩ,
Amu niĩ ndinyihanyihagĩrwo ta mũndũ
Ngai arokũhingũrĩra mĩrango mĩingĩ,
Agũcamacamithie irathimo nyingĩ,
Tondũ kĩrĩa wĩriragĩria Ngai enakĩo ĩĩ,
Ndanyihanyihagĩrwo ta ithuĩ nĩ irathimo,
Arokũhitha na maũndũ maku mothe ĩĩ,
Wabangĩrwo rũgongo agakũhitha kĩanda,
Matukũ maku amatue o ma mĩtheko,
Umbũrage nĩ Ngai wa irathimo nyingĩ.
Nĩngũkũrathima na kĩrathimo kĩngĩ
Ũtige kũngocagĩra o ũndũ-inĩ ũmwe,
Ũmenye atĩ ndĩ Ngai wa irathimo nyingĩ,
Amu niĩ ndinyihanyihagĩrwo ta mũndũ.
Nĩngũkũrathima na kĩrathimo kĩngĩ
Ũtige kũngocagĩra o ũndũ-inĩ ũmwe,
Ũmenye atĩ ndĩ Ngai wa irathimo nyingĩ,
Amu niĩ ndinyihanyihagĩrwo ta mũndũ.
Nĩngwenda wĩrute kwĩigĩrĩra moko,
Ũkaumbũraga na kanua wĩ mũrathime,
Rũrĩmĩ rwaku rũrĩ na hinya na ũhoti,
Thoma thaburi igana rĩa kenda nĩũkũigua,
Ngai ũcio werire Iburahimu nĩtũthiĩ,
Ndarĩ anyihanyihĩrwo gwĩka andũ ake wega,
Wega na ũtugi nĩ nguo yake ya igũrũ,
Nĩ Ngai ũheaga mũndũ ihinda rĩngĩ.
Nĩngũkũrathima na kĩrathimo kĩngĩ,
Ũtige kũngocagĩra o ũndũ-inĩ ũmwe,
Ũmenye atĩ ndĩ Ngai wa irathimo nyingĩ,
Amu niĩ ndinyihanyihagĩrwo ta mũndũ.
Nĩngũkũrathima na kĩrathimo kĩngĩ ,
Ũtige kũngocagĩra o ũndũ-inĩ ũmwe,
Ũmenye atĩ ndĩ Ngai wa irathimo nyingĩ,
Amu niĩ ndinyihanyihagĩrwo ta mũndũ.
No comment