Eunny wa Mwangi x Maguta – Emanueli Lyrics

Nĩma ũhotani nduumaga moko-inĩ ma mũndũ njamba
Ũmaga moko-inĩ ma mũndũ ũrĩa wĩtagwo karaũ
Ona mbaara ingĩndũrĩra nĩũĩ ngoimĩrĩra kũ
Munĩko wayo ndũkareka ũgwatie mahĩndĩ makwa

Ũhonokagia mĩgwĩ yatetwo na ĩgathĩrĩka
Ona makinya makwa marĩ mũromoinĩ wa gĩkuũ
Guoko gwaku kũngunĩkagĩra kanua ka mbĩrĩra
Ngamenya ĩĩ nĩguo Ngai wakwa ndũrĩkĩtie naniĩ
Emanueli,
Ũteng’eraga ihenya ũgakĩria arĩa mandeng’eragia

Hinya wakwa ũngĩhutatĩra rĩera-inĩ o ta ndogo
Matũ maku nĩmaiguaga mĩhehũ ĩkiuma kanua
Ngĩtuĩrwo nĩ andũ nĩwonaga matihio marĩ ngoro
Ũkandigita ũkoha nguraro wee mwene ũkahonia

Ũhonokagia mĩgwĩ yatetwo na ĩgathĩrĩka
Ona makinya makwa marĩ mũromoinĩ wa gĩkuũ
Guoko gwaku kũngunĩkagĩra kanua ka mbĩrĩra
Ngamenya ĩĩ nĩguo Ngai wakwa ndũrĩkĩtie naniĩ
Emanueli,
Ũteng’eraga ihenya ũgakĩria arĩa mandeng’eragia

Metereire mũthiro wakwa ngĩeterera ũndũrie
Ndaga gũthira makĩona wonje ũkĩnjarĩra metha
Wonje wakwa na ũhũthũ wakwa wegocithirie naguo
Ũkĩhũthira rũhiũ rũtuhu rũũgĩ rũconoke

Ũhonokagia mĩgwĩ yatetwo na ĩgathĩrĩka
Ona makinya makwa marĩ mũromoinĩ wa gĩkuũ
Guoko gwaku kũngunĩkagĩra kanua ka mbĩrĩra
Ngamenya ĩĩ nĩguo Ngai wakwa ndũrĩkĩtie naniĩ
Emanueli,
Ũteng’eraga ihenya ũgakĩria arĩa mandeng’eragia

Ndĩ gĩcinga kĩa mwaki kĩrĩa gĩtharĩtwo mwaki-inĩ
Ndĩmuore ruoro ta rũhiũ rũhĩgĩtio mbarĩ cierĩ
Ndikĩrĩ ũndũ ũngĩ nĩgũtuo ndatuirwo ta kaihũri
Ngaihũra ũhoro andũ matahie makĩinũkagia mĩciĩ

Ũhonokagia mĩgwĩ yatetwo na ĩgathĩrĩka
Ona makinya makwa marĩ mũromoinĩ wa gĩkuũ
Guoko gwaku kũngunĩkagĩra kanua ka mbĩrĩra
Ngamenya ĩĩ nĩguo Ngai wakwa ndũrĩkĩtie naniĩ
Emanueli,
Ũteng’eraga ihenya ũgakĩria arĩa mandeng’eragia

Kuuma ũrikũ-inĩ wa ngoro yakwa iyũkia ngatho ciakwa
Wee ũũĩĩ marĩa ngereire na ndigĩtie kũgerera
O wee Mũmbi nowe Mũmbũri na mũngaĩri thayũ
Weega waku ũthereragĩra ta kĩguũ kĩa maaĩ

Ũhonokagia mĩgwĩ yatetwo na ĩgathĩrĩka
Ona makinya makwa marĩ mũromoinĩ wa gĩkuũ
Guoko gwaku kũngunĩkagĩra kanua ka mbĩrĩra
Ngamenya ĩĩ nĩguo Ngai wakwa ndũrĩkĩtie naniĩ
Emanueli,
Ũteng’eraga ihenya ũgakĩria arĩa mandeng’eragia

O ta kĩongero kĩnini kĩrĩ mokoinĩ ma nyina
Noguo ũmenyagĩrĩra ndikagũe bacane thire
Kwĩrwo nĩwanerwo ũndirike no ndũrĩ wandiga
Ngũgĩtũũra ngwĩnyitĩrĩire Ngai o ta mareru

Ũhonokagia mĩgwĩ yatetwo na ĩgathĩrĩka
Ona makinya makwa marĩ mũromoinĩ wa gĩkuũ
Guoko gwaku kũngunĩkagĩra kanua ka mbĩrĩra
Ngamenya ĩĩ nĩguo Ngai wakwa ndũrĩkĩtie naniĩ
Emanueli,
Ũteng’eraga ihenya ũgakĩria arĩa mandeng’eragia

Ũhonokagia mĩgwĩ yatetwo na ĩgathĩrĩka
Ona makinya makwa marĩ mũromoinĩ wa gĩkuũ
Guoko gwaku kũngunĩkagĩra kanua ka mbĩrĩra
Ngamenya ĩĩ nĩguo Ngai wakwa ndũrĩkĩtie naniĩ
Emanueli,
Ũteng’eraga ihenya ũgakĩria arĩa mandeng’eragia