Maũndũ nĩ maingĩ
Makoraga andũ a Ngai
Na mũtũũrĩre ũyũ
Nĩ ũrĩ mĩambato na mĩikũrũko

Nĩ kũrĩ hĩndĩ mũndũ
Aiguaga akinyĩte mũico
Agakua ngoro
Akaigua ta angĩte kĩĩrĩgĩrĩro
Nĩ kũnyariirĩka
O na gũthĩnĩka

No gũkena nĩ ũrĩa
Ũgiginyanaga
Eyũmĩrĩirie
Na ndakue ngoro
Kana atigithĩrie
Ũcio nĩwe mũgiginyani
Na agiginyani
Nĩ megwatagĩra kĩa hinya

Kaĩ ũgeretie maigana ũkaremwo
Ũkĩra ũgerie rĩngĩ
Ũhoete kwa ihinda
Na nduonete macokio

Ndũgatigithĩrie
Thiĩ na mbere na kũhoya
Ũroteete iroto cigana
Igatharara
Ndũgaikare o hau
No ũroote rĩngĩ

Ndũgatigithĩrie
Ndũgakue ngoro
Giginyana tu
Agiginyani nĩ megwatagĩra
Kĩa hinya

Jakubu ũtukũ mũgima
Akĩgiana na mũraika
Na ndaigana kũregeria
Moko amũrekie
Aamwĩrire ndĩrĩkũrekia
Haha wandathima

Mũraika oona nĩ gũgũthererũka
Akĩmũrathima
Akĩmwĩra
Ndũgũcooka gwĩtwo Jakubu
Ũrĩtagwo Isiraeli
Tondũ nĩ ũgiyanĩte na Ngai
Na andũ na ũkahootana

Kaĩ ũgeretie maigana ũkaremwo
Ũkĩra ũgerie rĩngĩ
Ũhoete kwa ihinda
Na nduonete macokio

Ndũgatigithĩrie
Thiĩ na mbere na kũhoya
Ũroteete iroto cigana
Igatharara
Ndũgaikare o hau
No ũroote rĩngĩ

Ndũgatigithĩrie
Ndũgakue ngoro
Giginyana tu
Agiginyani nĩ megwatagĩra
Kĩa hinya

Mũtumia ũmwe wa ndigwa
Weethaga kĩhooto
Aarokaga kwa mũtuanĩri cira
Hĩndĩ ciothe

Akamwĩra ndĩhĩria
Kũrĩ mũndũ ũrĩa tũrĩ ũthũ nake
Na mũtuanĩri cira
Agĩkinya handũ akiuga

No harĩa itoĩ Ngai
Na ndirĩ mũndũ njonokagĩra
No mũtumia ũyũ nĩ ngũmũrĩhĩria
Nĩ getha atigage kũndaanga
Na gũka haha hĩndĩ ciothe

Kaĩ ũgeretie maigana ũkaremwo
Ũkĩra ũgerie rĩngĩ
Ũhoete kwa ihinda
Na nduonete macokio

Ndũgatigithĩrie
Thiĩ na mbere na kũhoya
Ũroteete iroto cigana
Igatharara
Ndũgaikare o hau
No ũroote rĩngĩ

Ndũgatigithĩrie
Ndũgakue ngoro
Giginyana tu
Agiginyani nĩ megwatagĩra
Kĩa hinya

Jusufu arota kĩroto
Ariũ a nyina magĩkararia
No ndatigĩire o hau
No arotire rĩngĩ
Akĩrota kĩngĩ kĩega
Kũrĩ kĩa mbere

Onawe tigaga gũteanĩria
Tigaga gũkua ngoro
Ũtakinyanĩirie kĩoneki
Tondũ o na akorwo nĩ gĩaikara
No gĩgakinyanĩra
Na nĩguo gĩkinyanĩre
No nginya ũgiginyane

Kaĩ ũgeretie maigana ũkaremwo
Ũkĩra ũgerie rĩngĩ
Ũhoete kwa ihinda
Na nduonete macokio

Ndũgatigithĩrie
Thiĩ na mbere na kũhoya
Ũroteete iroto cigana
Igatharara
Ndũgaikare o hau
No ũroote rĩngĩ

Ndũgatigithĩrie
Ndũgakue ngoro
Giginyana tu
Agiginyani nĩ megwatagĩra
Kĩa hinya

Kaĩ ũgeretie maigana ũkaremwo
Ũkĩra ũgerie rĩngĩ
Ũhoete kwa ihinda
Na nduonete macokio

Ndũgatigithĩrie
Thiĩ na mbere na kũhoya
Ũroteete iroto cigana
Igatharara
Ndũgaikare o hau
No ũroote rĩngĩ

Ndũgatigithĩrie
Ndũgakue ngoro
Giginyana tu
Agiginyani nĩ megwatagĩra
Kĩa hinya