Gũtirĩ njĩra Ngai ũtangĩgera
Ũgĩũka kũgegia ũrĩa mũkwĩhoki
Ruo-inĩ na gĩkeno-inĩ no ũũke
Gũcerera ngoro iria wĩthurĩire

Githĩ ndwatũmire ihuru rĩhũniĩ
Kwĩ Elijah Samaria kwĩ ng’aragu
Ona karũĩ kahũa wamwĩrire athiĩ
Sidoni kwa mũtumia wa ndigwa.

Aisraeli monete mũthiro
Makũhĩrĩria iria rĩrĩa ituune
Wĩ kĩriga wanyitĩrĩire maaĩ
Mwena ũyũ na ũyũ makĩringa oothe

Githĩ ndwatũmire ihuru rĩhũniĩ
Kwĩ Elijah Samaria kwĩ ng’aragu
Ona karũĩ kahũa wamwĩrire athiĩ
Sidoni kwa mũtumia wa ndigwa.

Mũreria wa ithanwa igũrũ rĩa maaĩ,
ngombo ndĩkanaimwo ithanwa hĩndĩ ĩngĩ,
Ndũngĩgiria Lebanon ĩheane
mĩtĩ nyũmba ciitũ itikaunwo thimo

Githĩ ndwatũmire ihuru rĩhũniĩ
Kwĩ Elijah Samaria kwĩ ng’aragu
Ona karũĩ kahũa wamwĩrire athiĩ
Sidoni kwa mũtumia wa ndigwa.

Waugire Jakubu nĩwamwendire
Esau ũkĩmũthũra e nda ya nyina
Wĩrathimagĩra mũndũ ũrĩa wenda
Na warathima gũtirĩ ũngĩruma

Githĩ ndwatũmire ihuru rĩhũniĩ
Kwĩ Elijah Samaria kwĩ ng’aragu
Ona karũĩ kahũa wamwĩrire athiĩ
Sidoni kwa mũtumia wa ndigwa.

Woka kwambararia ndũroranagia
Mũndũ aciarĩirwo kũ na aciarirwo nũũ
Arerirwo atĩa athomete nginya ku
Ihinda rĩaku rĩoka ndũngĩtĩĩra

Gĩthĩ ndwatũmire ihuru rĩhũniĩ
Kwĩ Elijah Samaria kwĩ ng’aragu
Ona karũĩ kahũa wamwĩrire athiĩ
Sidoni kwa mũtumia wa ndigwa.