Wanjĩrire eterera ngĩeterera,
Ũkĩnjĩra horera ngĩhorera,
Ngĩkũũria ũgooka rĩ, ũkĩnjĩra ndikamake,
Tondũ nĩũĩĩ harĩa ũkeyonanĩria (Ngai)
Na rĩu nĩnguonete ũkĩyonania.

Nama gũgweterera ĩ ti ũndũ ũmwe mũhũthũ,
Nĩhakinyaga handũ ĩ ngoro ĩkenda kũinama,
No ngeruta na ndungata ti Ayubu,
Ona anyarirĩka mũno ndagũtigire,
Ona akĩragwo akũrume nama ndetĩkĩrire,
Athiire na mbere agĩkwĩhokaga, (Ngai)
Nawe ũkĩmũcokeria kĩndũ na kĩngĩ.

Wanjĩrire eterera ngĩeterera,
Ũkĩnjĩra horera ngĩhorera,
Ngĩkũũria ũgooka rĩ, ũkĩnjĩra ndikamake,
Tondũ nĩũĩĩ harĩa ũkeyonanĩria (Ngai)
Na rĩu nĩnguonete ũkĩyonania.

Mũndũ akĩrĩ werũ-inĩ ona nĩatukanagĩrwo,
Ningĩ agakiritaga ĩ akĩũragia akoimĩra kũ,
No ngamenya ndũrĩ wa kĩherithanio,
Na ndũtũtwaraga werũ ũgĩtũnine,
Ũtũtwaraga werũ-inĩ,tũkarĩhe thogora,
Wa indo iria ciothe ithuĩ ma twĩriragĩria, (Ngai)
Nanĩkĩo tuumagĩra tũrĩ ahotani.

Wanjĩrire eterera ngĩeterera,
Ũkĩnjĩra horera ngĩhorera,
Ngĩkũũria ũgooka rĩ, ũkĩnjĩra ndikamake,
Tondũ nĩũĩĩ harĩa ũkeyonanĩria (Ngai),
Na rĩu nĩnguonete ũkĩyonania.

Nĩndaiguire mũgambo kuuma igũrũ wanjĩĩra,
Ndige gwĩtanga ngoro ĩ Ngai akĩrĩ hamwe naniĩ,
Mathĩna na makwa nĩaramarũmbũiyia,
Ndigũtũũra ngiginyanaga ũguo mũno,
Mĩrango ya irathimo nĩarahingũrĩra,
Ngaatho ciakwa igũkinyĩre wĩ Zayuni, (Ngai)
Tondũ ma nĩnyonete wee ũkĩnjĩka ũguo.

Wanjĩrire eterera ngĩeterera,
Ũkĩnjĩra horera ngĩhorera,
Ngĩkũũria ũgooka rĩ, ũkĩnjĩra ndikamake,
Tondũ nĩũĩĩ harĩa ũkeyonanĩria (Ngai),
Na rĩu nĩnguonete ũkĩyonania.

Wee ũraigua gũkua ngoro ĩ, Nĩ moritũ ũragerera,
Ndooka gũkwĩra ũmũthĩ ĩ, Ngai ndagũtirikĩte,
Ekĩraga nguraro ningĩ agacioha,
Thiĩ nambere kũmũgocera ruo-inĩ,
Na wũikarage ũkĩmenya mũndũ wothe mũthingu,
Marigĩrĩrio make ngwĩre nĩmega (Ningĩ),
Ndũngĩgerio na igeria ũtangĩrĩtiiria,

Wanjĩrire eterera ngĩeterera,
Ũkĩnjĩra horera ngĩhorera,
Ngĩkũũria ũgooka rĩ, ũkĩnjĩra ndikamake,
Tondũ nĩũĩĩ harĩa ũkeyonanĩria (Ngai),
Na rĩu nĩnguonete ũkĩyonania.

Wanjĩrire eterera ngĩeterera,
Ũkĩnjĩra horera ngĩhorera,
Ngĩkũũria ũgooka rĩ, ũkĩnjĩra ndikamake,
Tondũ nĩũĩĩ harĩa ũkeyonanĩria (Ngai),
Na rĩu nĩnguonete ũkĩyonania.