O rĩrĩa Jehovah anyonirie kĩoneki
Njĩra ya kũgeria mũtũrĩre wakwa
Norĩo thũ ciambĩrĩirie kwambarũrũka
Ihũrane naniĩ nĩguo ndigathie mbere

Kĩndũ itangĩka no kũrekia kĩoneki
Kaba thiage ũtukũ ta Nehemiah
Sanibalati atinda agĩthekerera
Gwakĩa agakora rũthingo rũkĩambata

Naniĩ nĩngĩthomete ũhoro ũyũ wega
Andũ matũũraga marĩ ahũũri cioneki
Kuuma o tene na mambĩrĩirie na Nuhu
Ũrĩa warahũkire aakĩre andũ thabina

Kĩndũ itangĩka no kũrekia kĩoneki
Kaba thiage ũtukũ ta Nehemiah
Sanibalati atinda agĩthekerera
Gwakĩa agakora rũthingo rũkĩambata

Amwe matimakaga marũngiĩ ing’ang’a-inĩ
Mamenererie nĩguo megathĩrĩrie
Magathiĩ mũgarũ na kiugo kĩa Ngai
Rekaga ũrĩa ũngĩ atĩyagwo mbere yaku

Kĩndũ itangĩka no kũrekia kĩoneki
Kaba thiage ũtukũ ta Nehemiah
Sanibalati atinda agĩthekerera
Gwakĩa agakora rũthingo rũkĩambata

Angĩ nĩ arogi nandingĩmakio nĩo
Angĩ nĩ a wũiru na ndingĩmakio nĩo
Metũmire wĩra wa mũteng’eranio
O manjũthĩrĩirie niĩ ndekie kĩoneki

Kĩndũ itangĩka no kũrekia kĩoneki
Kaba thiage ũtukũ ta Nehemiah
Sanibalati atinda agĩthekerera
Gwakĩa agakora rũthingo rũkĩambata

Ũndũ no ũmwe ngwenda kwĩra thũ ciakwa
Ngai nĩoĩ gĩtũmi gĩa kũnjarahũra
Na nĩoĩ gĩtũmi gĩa kũhe kĩoneki
Anyitĩte kĩambĩrĩria na mũico wakĩo

Kĩndũ itangĩka no kũrekia kĩoneki
Kaba thiage ũtukũ ta Nehemiah
Sanibalati atinda agĩthekerera
Gwakĩa agakora rũthingo rũkĩambata

Ona inyuĩ andũ arĩa othe mwĩna cioneki
Menyai atĩ thiri yacio no mahoya
Nehemiah atoririe na mahoya
Na rũthingo rwarĩkire thũ ikĩonaga

Kĩndũ itangĩka no kũrekia kĩoneki
Kaba thiage ũtukũ ta Nehemiah
Sanibalati atinda agĩthekerera
Gwakĩa agakora rũthingo rũkĩambata