Joseph Kamaru – Marua ma Gathoni lyrics

Kamaarũ nĩndĩrerirwo at nĩũronirwo Kĩambu
Nĩ bratha yakwa Jimmi Kamaarũ na ndiretĩkia
Atĩ no ũũke Kĩambu na ndũtonye gwitũ mũciĩ

Ndoria Jimmi aranjĩrĩre atĩ ona ndanakwarĩrĩa
Nĩ ngaari aronire yandĩkĩtwo Kamaarũ na njata
Ndĩrarũgaga nyũmbũke itoĩ ndirĩ mathagu

Kamaarũ ĩĩ, nĩ ngwenda ũgoka April ikũmi

Kamaarũ angĩkorwo nĩguo ũnyandĩkĩre marũa
KPI Nairobi nĩkuo ndĩrarĩa rũitĩki ii
Njetereire kĩgeranio kĩa 8-4-4 kiume

Watua kwandika marũa njĩtagwo Sussy Gathoni
Na ithandũkũ ni four two double zero four
Kamaarũ na ndũkarege nĩguo ngwathĩrĩre mũciĩ

Kamaarũ ĩĩ, nĩngwenda ũgoka April ikũmi

Mũthenya ucio twarĩ nyĩrĩ maitũ mamakire mũno
Ndamera atĩ nĩ nguonire na ndakũgeithia na guoko
Nake baba anjũragie kana nĩũrĩ ngwĩ cia matũ

Ngarari iria ciarĩ mũciĩ cia bratha na sista
Makiuga atĩ nĩ maheni ciahoragĩrio nĩ mami
Daddy akĩmera makire Kamarũ nĩ mũndũ mũgo

Kamaarũ ĩĩ nĩ ngwenda ũgoka April ikũmi

Ndũkorie nyumĩte nakũ mũcaria ũngĩ ndamwagaga
Andrethi cia marũa ndutĩte thani inĩ yaku
Ĩrĩa wetĩtwo nĩ Ndichũ mariganĩtwo na Chiirũ

Kĩndũ kĩrĩa kĩrĩ mũrĩo nokĩo kĩũragaga ndũgũ
Kũrĩa mũno nĩ kworia nda Kamaarũ ngũkinyia hau
Na ndeto nyingĩ nĩ ũrogi kaba tũnini twĩ cama

Kamaarũ ĩĩ, nĩngwenda ũgooka April ikũmi

Kamaarũ ngeithĩria anake na airĩtu oothe a Kangema
Na ũgeithie Maitũ Wanjirũ Ngai enda no tũkonana
Na thaayũ wake ũroikara muciĩ wanyu kinya tene

Watua kwandĩka marũa njĩtagwo Sussy Gathoni
Na ithandũkũ nĩ four two double zero four
Kamaarũ na ndũkarege nĩguo ngwathĩrĩre mucĩĩ

Kamaarũ ĩĩ nĩngwenda , ugooka April ikũmi