Jehova Mwathani kuma o kĩambĩrĩria
Ndũrĩ wa tiganĩria ndungata ciaku
Nĩũmagĩtagĩra na ũhotani mũingĩ
Ngumo na ũgoci irogũcokerera

Ngumo na ũgoci irogucokerera
Hĩndĩ ĩrĩa ndũngata ciaku ciaumagara
Ũtambũrũkĩtie moko igũrũ rĩao
Ngumo na ũgoci irogũcokerera

Rĩu nĩ menyete ũrĩa wĩ hinya mũingĩ
Etagwo Jehova mũnene wa ita
Arĩa wĩtongoreirie matihotagwo
Ngumo na ũgoci irogũcokerera

Paulo na Sila maikio korokoro
Wamahingũrĩire mĩrango ya njera
Mũrangĩri akĩruta rũhiũ eyũrage
Ngumo na ũgoci irogũcokerera

Petero na Johana makora kĩonje
Kĩamahoya thendi na matiarĩ nacio
Petero akĩmwĩra ũkĩra wĩtware
Ngumo na ũgoci irogũcokerera

Joshua erire Ngai mbara yaneneha
Riũa nĩrĩrũgame o hau rĩrĩ
Ĩnginya ndĩtorania kũrĩ thũ ciakwa
Ngumo na ũgoci irogũcokerera

Manyita Mwathani na makĩmũraga
Mũthenya wa ĩtatũ nĩwamũriũkirie
Akiuma kũrĩ akuũ na ũhotani mũingĩ
Ngumo na ũgoci irogũcokerera

Maikirie Danieli irima rĩa mĩrũthi
Nao Shadraka maikio mwaki-inĩ
Wamarutire kuo na ũhotani mũingĩ
Ngumo na ũgoci irogũcokerera

Jehovah nĩwe riumagirĩro rĩakwa
Ona ihũndũkĩro nowe Mwathani
Ndeithagia kũmenya ũrĩa wĩ hinya mũingĩ
Ngumo na ũgoci irogũcokerera