Hĩndĩ ĩrĩ Ng’aragu yatonyiire bũrũri
Ũyũ witũ twaheirwo
Gũgĩtuĩka gũtirĩ na irio cia kũigana
Ciana ciitũ ikĩrĩra

Ndĩ mwana ũrĩa mũkũrũ ngĩiyũrwo nĩ ihooru
Ndona ciana ikĩrĩra
Ngĩhoya na ngoro ĩiyũrĩte maithori
Ngai tũririkane

Twatindagĩra mũthenya tũtarĩte
Irio ciarĩ cia hwai-inĩ
Tũkarĩa Gatheri tũgathiĩ tũgakoma
Ngai ndatũtigire.

Ciana iria nyinyi ciarĩraga igathira
Hwai-inĩ ũgĩgakinya
Wĩra wakwa mũnene warĩ wa gũciĩra
Ciana Ngai arĩ muoyo

Maitũ ndarĩ ũhoti baba nake ndarĩ wĩra
No nĩkũrĩ ũrĩa wĩ hinya
Ngai ũrĩa mũtũmbi menyai ebata na ithuĩ
Na atwĩciragia wega

Twatindagĩra mũthenya tũtarĩte
Irio ciarĩ cia hwai-inĩ
Tũkarĩa Gatheri tũgathiĩ tũgakoma
Ngai ndatũtigire.

Rũciinĩ gũtiarĩ kĩndũ mũndũ angĩrĩa
No gacai kanini
Na rĩrĩa gũtarĩ tũkaheo gacũrũ
Ngai mwega arĩ oo muoyo

Hĩndĩ ĩyo noguo ndaririkanire ciugo
Ibuku-inĩ rĩa Samueli
Hĩndĩ ĩrĩa Elijah athiire gũcerera
Mũtumia wa ndigwa

Twatindagĩra mũthenya tũtarĩte
Irio ciarĩ cia hwai-inĩ
Tũkarĩa Gatheri tũgathiĩ tũgakoma
Ngai ndatũtigire.

Hĩndĩ ĩmwe ndaiguĩte ta ngoro ingĩkua
Nĩ ũndũ wa thĩna mũingĩ
Ngĩarĩria ngoro ĩyo ngĩmĩĩra ikara muoyo
Tondũ Jehova ee muoyo

Hĩndĩ ĩyo noguo Ngai atũmire mũndũ
Agĩũka gwitũ mũciĩ
Akiuga nĩ Ngai ũmwĩrĩte twĩna thĩna
Na okĩte atũteithie

Twatindagĩra mũthenya tũtarĩte
Irio ciarĩ cia hwai-inĩ
Tũkarĩa Gatheri tũgathiĩ tũgakoma
Ngai ndatũtigire.

Mũndũ ũcio atigĩire maitũ irio cia kũigana
Kũrĩa mweri mũgima
Agĩcoka agĩthiĩ na baba akĩmwandĩka
Wĩra mũcaara mwega

Mũthenya ũyũ ngoro yakwa nĩ ngenu mũno
Nĩ ciĩranĩro cia Ngai
Nĩ tondũ oigire ndagatũtiga oo rĩ
Kana atũtiganĩrie

Twatindagĩra mũthenya tũtarĩte
Irio ciarĩ cia hwai-inĩ
Tũkarĩa Gatheri tũgathiĩ tũgakoma
Ngai ndatũtigire

Twatindagĩra mũthenya tũtarĩte
Irio ciarĩ cia hwai-inĩ
Tũkarĩa Gatheri tũgathiĩ tũgakoma
Ngai ndatũtigire.

Twatindagĩra mũthenya tũtarĩte
Irio ciarĩ cia hwai-inĩ
Tũkarĩa Gatheri tũgathiĩ tũgakoma
Ngai ndatũtigire.