Ngũina ngĩgwĩtaga marĩtwa marĩ cama nĩgũkwenda,
O wee Ngai mũnyitĩrĩri o wee Ngai ũtandigaga,
Ũndoraga ta kĩũma kĩa ritho rĩaku rĩrĩa ndĩ njĩra,
Na ndĩ toro wee ndũkomaga hurahurũke ndakoma.

Nĩũnjĩkĩte wega kĩamũkĩre ngatho ciakwa,
Nĩũhatĩire thĩna Ngai ũkandigaĩra wũira,
Ũgũtũũra wĩ Ngai ndĩnacio ona ndanyihanyihĩrwo,
Nĩ rĩtwa rĩaku ndĩrĩkumagia tondũ nĩ rĩega rĩkĩinwo.

Huho ihurutanaga Ngai ũkamũkĩra ũgooci,
Makũmbĩ-inĩ ma maaĩ hinya waku ũkirĩte kuo,
Ĩ naruo rũrĩmĩ rwakwa rũtikagirĩrĩka,
Ndĩrĩkũganaga ũnjĩkĩire ona rĩrĩa ngwetereire.

Nĩũnjĩkĩte wega kĩamũkĩre ngatho ciakwa,
Nĩũhatĩire thĩna Ngai ũkandigaĩra wũira,
Ũgũtũũra wĩ Ngai ndĩnacio ona ndanyihanyihĩrwo,
Nĩ rĩtwa rĩaku ndĩrĩkumagia tondũ nĩ rĩega rĩkĩinwo.

Nyumagaraga itarĩ na ndingĩhũndũka itarĩ,
Wee nĩwe ũtũmaga ciondo ciakwa ciembembane,
Ũngĩnjeherera ndateng’erania na rũhuho,
Arĩa mathũire marike kuuga Ngai nĩwandirikire.

Nĩũnjĩkĩte wega kĩamũkĩre ngatho ciakwa,
Nĩũhatĩire thĩna Ngai ũkandigaĩra wũira,
Ũgũtũũra wĩ Ngai ndĩnacio ona ndanyihanyihĩrwo,
Nĩ rĩtwa rĩaku ndĩrĩkumagia tondũ nĩ rĩega rĩkĩinwo.

Nderetwo nĩ tha ciaku na ndaigana ũkĩhe thayũ,
Ũkĩũmba ta ciana cia ndutuura ciande-inĩ ciakwa,
Nĩwaheire rĩtwa rĩa kwaragĩria rĩrĩa ndenda,
Nanĩ itheru rĩtigucanagĩrio nĩ mbarĩ kana ndĩra.

Nĩũnjĩkĩte wega kĩamũkĩre ngatho ciakwa,
Nĩũhatĩire thĩna Ngai ũkandigaĩra wũira,
Ũgũtũũra wĩ Ngai ndĩnacio ona ndanyihanyihĩrwo,
Nĩ rĩtwa rĩaku ndĩrĩkumagia tondũ nĩ rĩega rĩkĩinwo.

Nĩnjũĩ ingĩkwĩhoka no ũnduuge o kũnduga,
Hane ta Ruthu akĩũngania sairi kwa Boazu,
Wagarũranirie maũndũ akĩrekia maitĩka,
Agĩtuĩka mwene wa mũgũnda Ngai ndũrĩ ũndũ ũtangĩka.

Nĩũnjĩkĩte wega kĩamũkĩre ngatho ciakwa,
Nĩũhatĩire thĩna Ngai ũkandigaĩra wũira,
Ũgũtũũra wĩ Ngai ndĩnacio ona ndanyihanyihĩrwo,
Nĩ rĩtwa rĩaku ndĩrĩkumagia tondũ nĩ rĩega rĩkĩinwo.

Nĩũnjĩkĩte wega kĩamũkĩre ngatho ciakwa,
Nĩũhatĩire thĩna Ngai ũkandigaĩra wũira,
Ũgũtũũra wĩ Ngai ndĩnacio ona ndanyihanyihĩrwo,
Nĩ rĩtwa rĩaku ndĩrĩkumagia tondũ nĩ rĩega rĩkĩinwo.