Matũthiagĩra ũtukũ na mũthenya,
Magatwara mbica na marĩtwa maitũ,
Magatwĩhĩtĩra mĩhĩtwa mĩritũ,
Magatũtegera mĩtego tũhuke.

No Ngai ti mũndũ akamĩhũndũra,
Na mwaki na hinya akagarũrania,
Makaringwo Iringa makeroragĩrwo,
Na iringa rĩa Ngai rĩtirĩ kĩriga.

Ngai nĩarũagĩrĩra ciana ciake,
Arĩa amwĩtĩkia na arĩa amwĩhoki,
Mbaara yake ti ya ngundi na mateke,
Nĩoĩ kũhitha ngoro itikagũrario.

Ciugo iria maragia nĩguo matũhukie,
Iũndũ mathondekete matũnyarire,
Mĩguĩ matũikagĩria matũgũrarie,
Ngai akĩingĩrĩra agĩũka agĩtũthara,

Indo iria ciakuĩte igĩcokerio muoyo,
Iria twatunyĩtwo igĩũka double double,
Njata ciitũ nacio igĩcangarara,
Mĩrango ĩkĩhingũka tũgĩtherema.

Ngai nĩarũagĩrĩra ciana ciake,
Arĩa amwĩtĩkia na arĩa amwĩhoki,
Mbaara yake ti ya ngundi na mateke,
Nĩoĩ kũhitha ngoro itikagũrario.

Ũgacĩru wakwa nĩwamamakirie,
Makĩrigwo nĩ atĩa mangĩĩka mahukie,
Makĩgera kũrĩ andũ arĩa twetanĩtio,
Ngĩhũrwo mbaara na ngĩũkĩrĩrwo mũno.

Ngĩthaithana igũrũ ndĩna kĩgirĩko,
Ngoro yatihĩtio ndiarĩ na mwĩhoko,
Ngai akĩingĩrĩra akĩgarũrania,
Kũrĩa ndahũragĩrwo njugĩrwo ngemi.

Ngai nĩarũagĩrĩra ciana ciake,
Arĩa amwĩtĩkia na arĩa amwĩhoki,
Mbaara yake ti ya ngundi na mateke,
Nĩoĩ kũhitha ngoro itikagũrario.

Irima rĩu ũrenjera mũrunaguo,
Geria wone kana ũngĩgũa no wĩrute,
Mĩtego ĩyo ũrategera andũ arĩa angĩ,
Hihi ũngĩgũa no ũhote kwarahũka,

Ũũru waku ngwĩre ũkarĩhwo na ũũru,
Wega waku naguo ũkarĩhwo na wega,
Maithori wanarĩria mũndũ ũmenyage,
Ngai nĩarĩhagĩria arĩa ahinyĩrĩrie.

Ngai nĩarũagĩrĩra ciana ciake,
Arĩa amwĩtĩkia na arĩa amwĩhoki,
Mbaara yake ti ya ngundi na mateke,
Nĩoĩ kũhitha ngoro itikagũrario.

Ngai nĩarũagĩrĩra ciana ciake,
Arĩa amwĩtĩkia na arĩa amwĩhoki,
Mbaara yake ti ya ngundi na mateke,
Nĩoĩ kũhitha ngoro itikagũrario.