O kĩambĩrĩria Ngai kĩa Uũmbi waku
Ũmbi waku Ngai waarĩ kũgayania
Wanyitaga kĩndũ kĩmwe ũkagaya meerĩ
O kĩndũ o kĩndũ kĩrute wĩra wakĩo
Ningĩ Ngai ũhingie muoroto ũrĩa ũrĩ waku

Wanyitire ũtheri ũkĩgayania na nduma
Ũkĩnyita riũa ũkĩgayania na mweri
Kĩndũ gĩothe wanyitaga ũkagaya meerĩ
No he kĩndũ kĩmwe Ngai tũriganagĩrwo
Nowe wamũranirie gĩkeno na ruo

Ngai hũthĩra ruo rũrĩa rũtũire werũ
Ngoro-inĩ yakwa ũndehere gĩkeno kĩa maa
Kĩrĩa kĩagũithirie ũtũũro wakwa kĩwoe rĩngĩ
Kĩrĩa menete mũno kĩrehe mweke wa keerĩ

Gĩkeno na ruo nĩ indo igĩrĩ ngũrani
Na ciothe nĩ Ngai ũtũrehagĩra
Korwo Ngai eraga mũndũ ecagũrĩre
Ithuothe tũngĩcagũraga maa gĩkeno
Gũtirĩ mũndũ wendete gwĩtanio na ruo

Gĩkeno kĩgucagĩrĩria andũ aingĩ
Ruo rũtũmaga mũndũ orĩrwo nĩ arata
Nginya andũ magakinya handũ magakiuga
Ruo rũrũ nĩ maciaro ma itua rĩae
No ti itua nĩ mũbango wa Ngai egocithie

Ngai hũthĩra ruo rũrĩa rũtũire werũ
Ngoro-inĩ yakwa ũndehere gĩkeno kĩa maa
Kĩrĩa kĩagũithirie ũtũũro wakwa kĩwoe rĩngĩ
Kĩrĩa menete mũno kĩrehe mweke wa keerĩ

Maruo manangora na ngariganĩrwo
No he ruo rũmwe rwangorire ũtũũro-inĩ
Ngoro-inĩ yakwa rũtũũraga ma rwĩ rwerũ
Nĩ kũihũgio nĩ matata maingĩ ma maithori
Na matarania ma ruo nĩ atĩa gwekĩkire

Ruo rũrũ rwagũithirie ũtũũro wakwa
Makinya ndakinyĩte mbere ngĩcooka na thutha
Andũ arĩa matũire monaga wega wakwa
Makĩambĩrĩria uonaga ũũru wakwa
Ngĩũria Ngai andĩhe wega wakwa na ũũru nĩkĩ

Ngai hũthĩra ruo rũrĩa rũtũire werũ
Ngoro-inĩ yakwa ũndehere gĩkeno kĩa maa
Kĩrĩa kĩagũithirie ũtũũro wakwa kĩwoe rĩngĩ
Kĩrĩa menete mũno kĩrehe mweke wa keerĩ

Kwĩ ruo andũ a thakame yaku matinina
Mena wendi no igeria nĩ rĩa tũhũ
Nginya mwene ruo akeĩta ndundu akoiga
Gũtirĩ wanagerera ru ta rũrũ
Hĩndĩ ĩyo Ngai e matu-inĩ nĩoĩ nĩ ngiri nyingĩ

Gatagatĩ ka ngiri nyingĩ ciina ruo
Ngai aranyitithanirie ngoro yakwa na mũndũ
Aranyitithania ruo na ruo rũngĩ
Ngoro yakwa ĩrahũthĩrwo na ĩrahona
Ũtũũro ũrarũgamĩte ũragĩa umithio

Ngai hũthĩra ruo rũrĩa rũtũire werũ
Ngoro-inĩ yakwa ũndehere gĩkeno kĩa maa
Kĩrĩa kĩagũithirie ũtũũro wakwa kĩwoe rĩngĩ
Kĩrĩa menete mũno kĩrehe mweke wa keerĩ

Ndĩrehingire matukũ makwa mũgwanja
Ndĩrahoya Ngai ahe kĩrathimo gĩa gũtũũra
Handũ ha kĩrathimo araheire ruo
Rũritũ gũkĩra ruo rũrĩa rwa mbere
Andũ marairio ngoro nĩniĩ Ngai ũraingĩrĩra

Ũrandũmĩire araika aaku ũranjĩra
Ndigũtũũra ndiragĩrĩrwo na ruo ũtũũro-inĩ
Gĩthimi kĩa ruo rwakwa kĩrĩ moko-inĩ maku
Na ruo rwakwa rũgĩkirie o gũthira
Tondũ ũrahũthĩra ũtũũro wakwa ta Ayubu

Ũramũninĩĩre indo ciothe na ciana
Ũracooka ũramũrehera ndwari wĩgocithie
Kĩrĩa ũramũtunyĩte ũramũhe maita meerĩ
 
Ũranjĩĩra ndikarie mĩario mĩriku nĩ ruo
Ruo rwakwa nĩ tigiti wa gĩkeno gĩakwa

Ngai hũthĩra ruo rũrĩa rũtũire werũ
Ngoro-inĩ yakwa ũndehere gĩkeno kĩa maa
Kĩrĩa kĩagũithirie ũtũũro wakwa kĩwoe rĩngĩ
Kĩrĩa menete mũno kĩrehe mweke wa keerĩ

Ngai hũthĩra ruo rũrĩa rũtũire werũ
Ngoro-inĩ yakwa ũndehere gĩkeno kĩa maa
Kĩrĩa kĩagũithirie ũtũũro wakwa kĩwoe rĩngĩ
Kĩrĩa menete mũno kĩrehe mweke wa keerĩ

O twamũkagĩra gĩkeno twamũkĩre ruo
Ruo rũu ũramena nĩ tigiti wa gĩkeno