Gũtirĩ mũthenya ũkĩyaga ta ũrĩa ũngĩ,
Na rĩrĩa nduma yaingĩha ũtheri no ũrĩũka,
Imera gũtirĩ hĩndĩ citwaranaga,
Na ũguo nĩguo irathimo ciitũ cihanaga,
Ũragĩtanga na nĩakũũĩ na rĩtwa rĩaku,
Na marĩa ũragerera nĩ amooĩ weega,
Ũmĩrĩaria na ũmwĩhoke na ũmweterere,
Tondũ ngemi na ndũhiũ no irĩkumĩrĩra,
Tondũ ngemi na ndũhiũ no irĩkumĩrĩra.

Nĩwĩtanĩte mũgambo waku nĩmũigue,
Maithori maku matirĩniara gũtacenjetie,
Wĩyũmĩrĩrie ona gwakira no kũrĩagĩra,
Mahoya maku matiũrĩte wee ũrĩ o mũhari-inĩ.

Kĩrĩa ũtũire ũhoyaga ona ũkerirĩria,
Wũihũrĩtwo nĩ ruo ona maithori ngoro-inĩ,
Wakira handũ ũkoona Ngai ta ariganĩirwo,
Akoragwo agĩĩka ithabu nĩguo akũhe anja,
O we wacereire Hannah akĩmũhe Samueli,
Akĩmwehereria kĩnyũrũri gĩa Peninah,
Kĩrĩro gĩa gakenge gĩkĩmũcanjamũra,
Onawe no arĩũka wũine rwĩmbo rwa ũgooci,
Onawe no arĩũka wũine rwĩmbo rwa ũgooci.

Nĩwĩtanĩte mũgambo waku nĩmũigue,
Maithori maku matirĩniara gũtacenjetie,
Wĩyũmĩrĩrie ona gwakira no kũrĩagĩra,
Mahoya maku matiũrĩte wee ũrĩ o mũhari-inĩ.

Gũtiramakania mĩaka ĩrĩa ũtũire ũhandĩte,
Ona magetha marĩa wee ũtũire ũgethete,
Ihinda rĩa Ngai rĩakinya no ũkagetha,
Kĩrathimo gĩgũitĩkĩre ũcangarare,
Isaka ahandire o rĩrĩa kwarĩ na riũa,
Magetha makĩingĩha kũrĩ hĩndĩ ya mbura,
Ũmĩrĩria na ũmwĩhoke na ũmweterere,
Ndarĩ hĩndĩ angĩranĩra na aage kũhingia,
Ndarĩ hĩndĩ angĩranĩra na aage kũhingia.

Nĩwĩtanĩte mũgambo waku nĩmũigue,
Maithori maku matirĩniara gũtacenjetie,
Wĩyũmĩrĩrie ona gwakira no kũrĩagĩra,
Mahoya maku matiũrĩte wee ũrĩ o mũhari-inĩ.

Ngai wa Isaka, no ũgethe kũrĩ riũa,
Ngai wa Ayubu, tũrathime maita igana,
Ngai wa Namani, mĩrimũ ĩtwaũke,
Ihinda rĩaku Ngai norĩo tu twetereire.